یو بی ایل اسپورٹس کمپلیکس کراچی میں کھیلے گئے نیشنل انڈر 13 ون ڈے ٹورنامنٹ کے دوسرے راؤنڈ میں سدرن پنجاب نے علی حیدر کی ناقابل شکست سنچری کی بدولت بلوچستان کو 127 رنز سے شکست دے دی.
پہلے بیٹنگ کرتے سدرن پنجاب نے مقررہ تیس اوورز میں 3 وکٹوں کے نقصان پر 213 رنز بنائے. علی حیدر نے 83 گیندوں پر 15 چوکوں کی بدولت ناٹ آؤٹ 115 رنز بنائے. بابر ارشد نے 44 رنز بنائے. جواب میں بلوچستان کی پوری ٹیم 26 اوورز میں 86 رنز پر ڈھیر ہوگئی. عبدالرحمٰن، طلال احمد اور عبداللہ لطیف نے دو دو وکٹیں حاصل کیں.
Ali Haider's century for Southern Punjab against Balochistan in the National U13 One-Day Tournament today at the UBL Sports Complex, Karachi.#PakistanFutureStars pic.twitter.com/qxIg2uplNW
— Pakistan Cricket (@TheRealPCB) January 16, 2022
دوسری طرف کے سی سی اے اسٹیڈیم کراچی میں کھیلے گئے میچ میں خیبر پختونوخواہ نے سندھ کو 71 رنز سے ہرادیا. آٹھویں نمبر پر بیٹنگ کے لیے میدان میں اترنے والے اکرام اللہ نے 69 گیندوں پر 11 چھکوں اور 4 چوکوں کی مدد سے 100 رنز کی ناقابل شکست اننگز کھیلی. عدیل خان 25 اور ذین العابدین 17 رنز بنا کر آؤٹ ہوئے. کے پی نے مقررہ تیس اوورز میں 7 وکٹوں کے نقصان پر 198 رنز بنائے. محمد انس اور محمد خان نے تین تین وکٹیں حاصل کیں. جواب میں سندھ کی پوری ٹیم 127 رنز بنا کر آؤٹ ہوگئی. عبداللہ سینئر نے 31 رنز بنائے. اکبر علی، نوید اور نفیس اختر نے 2،2 کھلاڑیوں کو آؤٹ کیا.
Ikramullah's century for Khyber Pakhtunkhwa U13 against Sindh U13 at the KCCA Stadium, Karachi today. pic.twitter.com/gq7FQqvKlg
— Pakistan Cricket (@TheRealPCB) January 16, 2022
اُدھر ایس بی پی اسپورٹس کمپلیکس کراچی میں کھیلے گئے میچ میں ناردرن نے سینٹرل پنجاب کو 27 رنز سے ہرادیا. 114 رنز کے تعاقب میں سینٹرل پنجاب کی پوری ٹیم 86 رنز پر آؤٹ ہوگئی. علی صابر 21 رنز بنا کر نمایاں رہے. محمد صہیب نے 3 اور اختر گل نے 2 کھلاڑیوں کو آؤٹ کیا. ناردرن نے مقررہ تیس اوورز میں 9 وکٹوں کے نقصان پر 113 رنز بنائے. اسد عبداللہ نے ناٹ آؤٹ 28 اور محمد یوسف نے 25 رنز بنائے. صیار خان نے 3 اور اسد نعیم نے 2 وکٹیں حاصل کیں.
