لندن : مسلم لیگ ن کے قائد میاں محمد نواز شریف نے قومی اسمبلی میں 3 رکنی بینچ کے فیصلے کے خلاف قرارداد منظور ہونے پر کہا کہ میں قرارداد کے حق میں ہوں۔
تفصیلات کے مطابق مسلم لیگ ن کے قائد نواز شریف کی دفتر سے رہائش گاہ روانگی پر کارکنوں سے گفتگو کی، اس دوران نواز شریف سے پارلیمنٹ میں منظور کردہ قرارداد سے متعلق سوال کیا گیا۔
جس پر نواز شریف نے کہا کہ تین رکنی بینچ کے فیصلے کے خلاف قرارداد کے حق میں ہوں، پارلیمنٹ نے بالکل ٹھیک قرارداد پاس کی ہے، پارلیمنٹ کو بتانا چاہیے کہ وہ ایک بالادست ادارہ ہے۔
صحافی کے اس سوال پر کہ مسئلہ حل نہ ہوا تو کیا ہوگا؟ جس پر نواز شریف کوئی جواب دئیے بغیر روانہ ہوگئے۔
گذشتہ روز قومی اسمبلی میں سپریم کورٹ کے تین رکنی بینچ کے فیصلےکیخلاف قرارداد منظور کی گئی ، جس میں کہا گیا تھا اقلیت کواکثریت پرمسلط کیا گیا، یہ ایوان بےجاعدالتی مداخلت کومسترد کرتا ہے، وزیراعظم اورکابینہ فیصلےپرعمل نہ کریں۔
قرارداد میں عدالت عظمیٰ سے فل کورٹ کی استدعاپرنظرثانی کامطالبہ کیا گیا ، قرارداد بلوچستان عوامی پارٹی کےرہنماخالد مگسی نےپیش کی۔
مولانا فضل الرحمان کے بیٹے اسعد محمود نے دھواں دھار خطاب میں کہا تھا کہ پارلیمنٹ توہین عدالت کا سامنا کرنے اور لمبی لڑائی لڑنے کو تیار ہے، اس تنازع کا آغاز سپریم کورٹ کے ججز نے کیا، ہم ان کےساتھ بیٹھ کر تاریخ طےنہیں کریں گے، سپریم کورٹ کواپنے فیصلےریورس کرناہوں گے۔
Remarks: نوازشریف کی سپریم کورٹ فیصلےکیخلاف قراردادکی حمایت پارلیمنٹ نے ٹھیک قرارداد پاس کی،قائدن لیگ نوازشریف پارلیمنٹ کوبتاناچاہیےکہ وہ بالادست ادارہ ہے،نوازشریف اگرپھربھی مسئلہ حل نہیں ہوا تو کیا ہوگا؟صحافی کاسوال لندن:قائدن لیگ نوازشریف کوئی جواب دیےبغیرچلتےبنے
