The news is by your side.

نوازشریف آج شیخوپورہ میں جلسہ عام سے خطاب کریں گے

شیخوپورہ : صوبہ پنجاب کے شہرشیخوپورہ میں سابق وزیراعظم میاں نوازشریف آج شیخوپورہ میں جلسہ عام سے خطاب کریں گے۔

تفصیلات کے مطابق مسلم لیگ ن کے صدر نا اہل وزیراعظم نواشریف آج صوبہ پنجاب کے شہر شیخوپورہ میں جلسہ عام سے خطاب کریں گے۔

جلسہ گاہ میں ڈیڑھ سو فٹ چوڑا اوربیس فٹ اونچا اسٹیج تیار کیا گیا ہے جبکہ جلسہ گاہ میں 25 ہزار کرسیاں لگائی گئی ہیں۔

ڈپی پی او سرفراز احمد خان ورک کی ہدایت پرجلسہ گاہ کی سیکیورٹی کے فول پروف انتظامات مکمل کرلیے گئے ہیں۔


ثابت ہوگیا فیصلے امپائر کی انگلی نہیں عوام کے انگوٹھے کرتے ہیں‘ نوازشریف


خیال رہے کہ گزشتہ روز نواز شریف نے لودھراں میں عوام سے خطاب کرتے ہوئے کہا تھا کہ آپ نے ثابت کیا فیصلے امپائر کی انگلی نہیں عوام کے انگوٹھے کرتے ہیں۔ آپ نے مجھے خرید لیا ہے۔

سابق وزیراعظم نوازشریف کا کہنا تھا کہ 2018 کے الیکشن میں پاکستان کا ہرحلقہ لودھراں بن جائے گا۔ لودھراں کے عوام نے ووٹ کے احترام کو بحال کیا۔


لودھراں کے عوام نے اے ٹی ایم مشین اکھاڑ کر دریا میں غرق کردی:‌ شہباز شریف


دوسری جانب لودھراں میں جلسے سے خطاب کرتے ہوئے وزیر اعلیٰ پنجاب شہباز شریف کا کہنا تھا کہ لودھراں کے عوام نے اے ٹی ایم کو دریائے ستلج میں غرق کردیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں