شوبز انڈسٹری کی معروف اداکارہ نازش جہانگیر نے قومی ٹیم کے کپتان بابر اعظم سے شادی سے متعلق سوال کا جواب دے دیا.
فوٹو اور ویڈیو شیئرنگ ایپ انسٹاگرام پر اداکارہ نازش جہانگیر نے مداحوں کے ساتھ سوال و جواب کا سیشن رکھا جس میں انہوں نے مداحوں کے سوالات کے جوابات دیے۔
اسی دوران ایک مداح نے نازش جہانگیر سے پوچھا کہ ’اگر نہیں پاکستان ٹیم کے کپتان بابر اعظم شادی کی پیشکش کریں تو ان کا جواب کیا ہوگا؟
اداکارہ نے جواب دیتے ہوئے کہا کہ ’معذرت ہی کروں گی۔‘
واضح رہے کہ نازش جہانگیر کی انسٹاگرام اسٹوری کا یہ اسکرین شاٹ سوشل میڈیا کے مختلف پلیٹ فارمز پر وائرل ہورہا ہے جس پر صارفین کی جانب سے تبصرے بھی کیے جارہے ہیں۔
دوسری جانب نازش جہانگیر نے 22 اپریل کی سہ پہر کو انسٹاگرام پر آخری اسٹوری شیئر کرنے کے بعد اکاؤنٹ کو پرائیویٹ کرلیا ہے۔
اداکارہ نے انسٹاگرام کو پرائیویٹ کرنے سے قبل اپنی اسٹوری میں بابر اعظم کے مداحوں کی جانب سے ٹرولنگ کرنے کی بات کی تھی۔
نازش جہانگیر نے اپنی اسٹوری میں لکھا تھا کہ بابر اعظم کے مداح ان کی بات سے خفا ہوکر انہیں شدید ٹرولنگ کا نشانہ بنا رہے ہیں۔
اداکارہ کے مطابق بابر اعظم ان سمیت سب کے بھائی ہیں اور ان کے لیے تمام کرکٹرز بھائیوں جیسے ہی ہیں۔
اداکارہ نے لکھا تھا کہ ان کا کرکٹرز نے کوئی لینا، دینا نہیں ہے لیکن کرکٹرز کے مداح ان کے پیچھے پڑ گئے ہیں، انہیں ٹرولنگ کا نشانہ بنایا جا رہا ہے۔
