The news is by your side.

کورونا کی روک تھام کے لئے جناح انٹرنیشنل ائیرپورٹ کی کارکردگی مثالی قرار

کراچی : این سی او سی نے کورونا وائرس کی روک تھام کے لئے جناح انٹرنیشنل ائیرپورٹ کی کارکردگی مثالی قرار دے دی۔

تفصیلات کے مطابق جناح انٹرنیشنل ائیرپورٹ پر موثر اقدامات کر نے پر این سی او سی نے رپورٹ جاری کردی جبکہ کورونا وبا کے خلاف قو می خدمات انجام دینے پر ائیرپورٹ مینجرکے لئے خصوصی اسناد جاری کی۔

این سی او سی کا کہنا ہے کہ کراچی ائیرپورٹ مینجر عمران خان نے کرونا وائرس کے دوران ائیرپورٹ پر شاندار کارکردگی کا مظاہرہ کیا گیا۔

این سی او سی نے کہا کہ کورونا وائرس کے دوران ائیرپورٹ پر وبا کی روک تھام کے لیے اقدامات قابل ستائش ہیں۔

اس سے قبل این سی او سی نے کورونا وبا کے خلاف قومی خدمات انجام دینے والے چار ائیرپورٹس مینجرز کے لئے خصوصی اسناد جاری کی تھیں۔

مینجرز میں لاہور ائیرپورٹ مینجر چوہدری نذیر، کراچی ائیرپورٹ مینجر عمران خان، اسلام آباد ائیرپورٹ مینجر عدنان خان، پشاور ائیر پورٹ مینجر عبیدالرحمن شامل تھے۔

خیال رہے این سی اوسی کی ہدایت پر ملک بھر کے ائیر پورٹس کی طرح کراچی ائیرپورٹ پر خصو صی اقدامات اٹھائے گئے تھے۔

Comments

یہ بھی پڑھیں