واشنگٹن : امریکی محکمہ خارجہ کے ترجمان نیڈ پرائس اپنے عہدے سے دستبردار ہوگئے، نیڈ پرائس نے مجموعی طور پر محکمہ خارجہ میں دو سو سے زائد پریس بریفنگ دی۔
تفصیلات کے مطابق نیڈ پرائس امریکی محکمہ خارجہ کے ترجمان کے عہدے سے دستبردار ہوگئے ہیں۔
امریکی وزیر خارجہ ٹونی بلنکن نے بریفنگ میں نیڈ پرائس کو خراج تحسین پیش کیا، نیڈ پرائس نے مجموعی طور پر محکمہ خارجہ میں دو سو سے زائد پریس بریفنگ دی۔
- Advertisement -
نیڈ پرائس امریکی محکمہ خارجہ میں ہی مختلف عہدے پر کام جاری رکھیں گے تاہم ان کی جگہ نائب ترجمان ویدانت پٹیل اب پریس بریفنگ دیں گے۔
نیڈ پرائس 20 جنوری 2021 سے امریکی محکمہ خارجہ کے ترجمان کے طور پر خدمات انجام دے رہے تھے۔
