The news is by your side.

Advertisement

ٹماٹر کی قیمتوں سے پریشان عوام کے لئے ایک اور بری خبر

اسلام آباد : بجلی کی قیمت میں 1 روپے 82 پیسے فی یونٹ کا اضافہ کردیا گیا ، اضافہ ایک ماہ کے لئے ستمبر کی فیول ایڈجسٹمنٹ کی مد میں کیا گیا، جس سے صارفین پر 24 ارب روپے کا بوجھ پڑے گا۔

تفصیلات کے مطابق نیشنل الیکٹرک پاور ریگولیرٹی اتھارٹی (نیپرا) نے بجلی 1روپے82پیسے فی یونٹ مہنگی کردی اور بجلی کی قیمت میں اضافے کا نوٹی فکیشن جاری کردیا گیا ہے ، جس میں کہا گیا بجلی کی قیمت میں اضافہ ستمبرکی فیول ایڈجسمنٹ کی مدکی گئی ، اضافے سے بجلی صارفین پر 24ارب روپے کااضافی بوجھ پڑےگا۔

نیپرا کا کہنا ہے کہ صارفین کودسمبر کے بلوں میں اضافی رقم اداکرنی ہوگی، اضافے اطلاق کےالیکٹرک اور لائف لائن صارفین پر نہیں ہوگا۔

مزید پڑھیں : بجلی کی قیمت میں اضافہ

یاد رہے 5 نومبر کو نیشنل الیکٹرک پاور ریگولیرٹی اتھارٹی (نیپرا) نے بجلی کے نرخوں میں روپے82پیسے فی یونٹ اضافے کی منظوری دی تھی،سی پی پی اے نے 2 روپے 97 پیسے اضافے کی تجویز دی تھی۔

اس سے قبل اکتوبر میں بھی بجلی کی قیمت میں ایک روپے 66 پیسے فی یونٹ کا اضافہ کیا گیا تھا ، اضافہ ایک ماہ کے لئے اگست کی فیول ایڈجسٹمنٹ کی مد میں کیا گیا، جس سے صارفین پر 22 ارب 60 کروڑ کا بوجھ پڑا۔

بعد ازاں اسی دن اسلام آباد میں منعقد ہونے والے ایکنک اجلاس میں بجلی کی قیمت میں ایک بار پھر ، تیس پیسے فی یونٹ اضافے کی منطوری دی گئی تھی۔

Comments

comments

یہ بھی پڑھیں