اسلام آباد : کے الیکٹرک صارفین کیلئے بجلی 56 پیسے فی یونٹ مہنگی کردی گئی ، اضافہ فروری کی ماہانہ فیول ایڈجسٹمنٹ کی مد میں کیا گیا ہے۔
تفصیلات کے مطابق کے الیکٹرک کیلئےبجلی 56 پیسے فی یونٹ مہنگی کرنے کی منظوری دے دی گئی ، نیشنل الیکٹرک پاور ریگولیٹری اتھارٹی (نیپرا) نے بجلی مہنگی کرنے کی منظوری دے دی۔
اضافہ فروری کی ماہانہ فیول ایڈجسٹمنٹ کی مد میں کیا گیا ، اطلاق کے الیکٹرک کے لائف لائن پر نہیں ہوگا اور اتھارٹی تفصیلی فیصلہ بعد میں جاری کرے گی۔
- Advertisement -
نیپراحکام کا کہنا تھا کہ فروری میں کے الیکٹرک نے اپنے وسائل سے 48 روپے 55 پیسے فی یونٹ بجلی پیدا کی، وسائل سے ملنے والی بجلی کی قیمت9.05روپے فی یونٹ رہی۔
یاد رہے کراچی کو بجلی کی تقسیم کے ادارے کے الیکٹرک نے بجلی 1.62 روپے مہنگی کرنے کی درخواست کی تھی۔
