The news is by your side.

ڈچ کھلاڑی نے بابر کو کیا پیغام دیا؟ ویڈیو وائرل

آسٹریلیا میں کھیلے جا رہے ٹی 20 ورلڈ کپ میں پاکستان کی بنگلہ دیش سے جیت کے ساتھ ہی ٹورنامنٹ کے سیمی فائنل مرحلے کے لیے چاروں ٹیموں کا فیصلہ ہوگیا ہے۔

ایڈیلیڈ میں جنوبی افریقہ کی نیدر لینڈ کے ہاتھوں بڑی اپ سیٹ شکست نے پاکستان کے سیمی فائنل تک رسائی کو مزید آسان بنایا اور رن ریٹ کا گورکھ دھندا ختم کرکے صرف جیت ہی اسے اگلے مرحلے میں پہنچا سکتی تھی۔

پاکستان نے بنگلہ دیش کو 5 وکٹوں سے زیر کرکے سیمی فائنل کے لیے کوالیفائی کرلیا بلکہ بھارت اور زمبابوے کے ہونے والے میچ کو بھی نمائشی بنا کر رکھ دیا کیونکہ گروپ میں پاکستان اور بھارت دونوں ٹیمیں چھ چھ پوائنٹ کے ساتھ سیمی فائنل میں پہنچ گئی ہیں۔

جنوبی افریقہ کیخلاف فتح کے بعد ڈچ آل راؤنڈر کا بابراعظم سے مکالمہہ ہوا جس کی ویڈیو سوشل میڈیا پر وائرل ہوگئی ہے۔

ڈچ آل راونڈر نے کہا کہ ہم نے اپنا کام کردیا ہے اب آپ کو لازمی جیتنا ہے، دونوں کھلاڑیوں نے ہاتھ ہلا کر ایک دوسرے کے لیے نیک تمناوں کا اظہار بھی کیا۔

Comments

یہ بھی پڑھیں