The news is by your side.

Advertisement

انسٹاگرام اکاؤنٹ بنانے کے لیے عمر بتانا لازمی قرار

سان فرانسسکو: فیس بک کی زیرملکیت کمپنی انسٹاگرام نے 13 سال سے کم عمر صارفین پر نئی پابندی عائد کردی۔

انسٹاگرام کی جانب سے جاری اعلامیے کے مطابق 13 سال سے کم عمر وہ بچے جو نیا اکاؤنٹ بنائیں گے انہیں تاریخِ پیدائش لکھنا لازمی ہوگی بصورت دیگر اُن کی درخواست مسترد کردی جائے گی۔

کمپنی کے مطابق نئی پالیسی کا اطلاق دنیا بھر میں ہوگا اور اس اقدام کا مقصد پلیٹ فارم پر بچوں کو محفوط ماحول فراہم کرنا ہے تاکہ انہیں عمر کے حساب سے ہی مواد نظر آئے۔

انسٹاگرام نے تصدیق کی ہے کہ صارف کی تاریخِ پیدائش کو بالکل خفیہ رکھا جائے گا اور اسے کوئی دوسرا نہیں دیکھ سکے گا۔

مزید پڑھیں: انسٹاگرام لائیکس چھپانے والی سروس کی آزمائش

اعلامیے میں وضاحت کی گئی ہے کہ وہ صارفین جو فیس بک سے انسٹاگرام پر آنا چاہتے ہیں انہیں اپنے فیس بک پر تاریخ پیدائش درج کرنا ہوگی، جب تک یہ عمل نہیں ہوگا انسٹاگرام پر اکاؤنٹ نہیں بنایا جاسکے گا۔

ٹیکنالوجی پر نظر رکھنے والے ماہرین کا کہنا ہے کہ انسٹاگرام کی یہ پالیسی مستقبل میں تمام صارفین پر لاگو ہوگی تاکہ عمر کے حساب سے صارفین کو مواد دستیاب ہو۔

Comments

comments

یہ بھی پڑھیں