The news is by your side.

Advertisement

برطانیہ میں‌ کرونا کی مہلک قسم زور پکڑنے لگی، 24 گھنٹوں‌ میں‌ 44 ہزار کیسز رپورٹ

لندن: برطانیہ میں کرونا کی ایک اور نئی خطرناک قسم تیزی سے پھیلنا شروع ہوگئی ہے۔

اے آر وائی نیوز کے مطابق برطانیہ میں پھیلنے والی نئی قسم کو ماہرین نے ڈیلٹا وائرینٹاے وائی فور پوائنٹ ٹو‘ کا نام دیا اور بتایا کہ اس نے بھی زور پکڑنا شروع کردیا ہے۔

طبی ماہرین نے مطابق گزشتہ چوبیس گھنٹوں کے دوران کرونا کی تغیرشدہ قسم کے 44 ہزار سے زائد نئے کیسز رپورٹ ہوئے جبکہ 223 مریض ہلاک بھی ہوئے۔

طبی ماہرین نے اس قسم کو گزشتہ اقسام سے خطرناک قرار دیتے ہوئے نئے وائرس کی نگرانی  شروع کر دی  اور شہریوں کو متنبہ کیا ہے کہ وہ سماجی فاصلے، فیس ماسک کے استعمال کو یقینی بنائیں۔

مزید پڑھیں: روسی صدر کا ملک بھر میں ایک ہفتے کی چھٹیوں کا حکم

رپورٹ کے مطابق نیدر لینڈز میں رواں ہفتے  مہلک کرونا وائرس کے نئے کیسز میں چوالیس فیصد اضافہ ریکارڈ کیا گیا جبکہ روس  میں کرونا سے ایک روز میں ریکارڈ ایک ہزار سے زائد اموات رپورٹ  ہوئیں، جس کے بعد صدر نے پابندیوں کے ساتھ ایک ہفتے کی تعطیل کا اعلان کردیا۔

ماسکو کے میئر نے اعلان کیا کہ ساٹھ سال یا اس سے زائد عمر افراد کو چار ماہ تک گھر میں رہنا ہو گا۔ انہوں نے نئی پابندیوں کے احکامات جاری کیے اور متعلقہ اداروں کو عمل درآمد کی ہدایت کی ہے۔

Comments

یہ بھی پڑھیں