The news is by your side.

Advertisement

برطانیہ سے دبئی، براہ راست فضائی پروازوں کے نئے روٹس

لندن : کاؤنٹیز سے دبئی کے لیے براہ راست پروازوں کے لیے تین نئے طیاروں بوئنگ 700-300 کے ساتھ آپریشن کا آغاز جلد کیا جائے گا۔

اس بات کا اعلان متحدہ عرب امارات کی قومی ایئرلائن نے کیا جس کے تحت دبئی کو برطانیہ کی مختلف کاؤنٹیز کے ساتھ براہ راست پروازوں کے ذریعے منسلک کردیا جائے گا۔

ایئرلائن کے مطابق ان طیاروں کی آمد سے برطانیہ سے دبئی کے لیے سات روٹس پر ایک ہفتے میں بلا تعطل 133 پروازیں اڑان بھرنے لگیں گی جس کا آغاز 8 جون 2018 سے کیا جائے گا۔

اس مقصد کے لیے حاصل کیے گئے تین نئے طیاروں میں 6 فرسٹ کلاس، 42 بزنس کلاس اور 306 اکنامومی کلاس نشستیں موجود ہیں اور کرایہ نہایت مناسب رکھا گیا ہے۔

سب سے خاص بات ان نان اسٹاپ پروازوں کے لیے لندن کے ہیتھرو، گیٹوک اور اسینسٹڈ ایئرپورٹ، برمنگھم، مانچسٹر اور نیوکاسٹل ایئرپورٹ کو منتخب کیا گیا ہے۔

ترجمان ایئرلائن کے مطابق برطانیہ کے بڑے شہروں میں دبئی کے لیے پروازیں موجود تھیں تاہم کاؤنٹیز کے رہائشیوں کو براہ راست پرواز کا حصول ناممکن تھا جسے مد نظر رکھتے ہوئے نئی پروازوں کا فیصلہ کیا۔

انہوں نے مزید کہا کہ لوگوں کو تفریحی اور معاشی سرگرمیوں کے لیے جوڑے رکھنا اولین ترجیح ہے جسے مد نظر رکھتے ہوئے نئی فضائی گذرگاہوں اور پروازوں کا آغاز کرنے جا رہے ہیں اور قوی امید ہے اچھا ردعمل دیکھنے کو ملے گا۔

Print Friendly, PDF & Email

Comments

comments

یہ بھی پڑھیں