کراچی : چین میں تباہی مچانے والے کورونا کے نئے ویرینٹ کی کراچی میں موجودگی کا انکشاف سامنے آیا، محکمہ صحت نے نئے ویرینٹ کی تصدیق کردی۔
تفصیلات کے مطابق کورونا وائرس کے نئے ویرینٹ کا پہلا کیس سامنے آگیا۔
محکمہ صحت نے بتایا کہ کراچی میں کورونا وائرس کے نئے ویرینٹ (BF7) کی موجودگی کی باقاعدہ تصدیق ہوگئی ہے۔
محکمہ صحت کے ذرائع کا کہنا ہے کہ عالمی وباء کورونا وائرس کے نئے ویرینٹ بی ایف 7 کا پہلا کیس کراچی میں سامنے آیا ہے، جس کی تصدیق سیکوینسنگ کے بعد کی گئی ہے۔
واضح رہے کہ کورونا وائرس کے اس نئے ویرینٹ بی ایف 7 نے چین میں بڑے پیمانے پر لوگوں کو متاثر کیا ہے۔
ذرائع کا کہنا ہے کہ اس نئے چینی ویرینٹ کا پاکستان پہچنے والا یہ پہلا کیس ہے۔
