ریاض: سعودی عرب کے شہر تبوک کے اپارٹمنٹ سے نوبیاہتا دلہن کی لاش برآمد ہوئی ہے۔
خلیج ٹائمز کی رپورٹ کے مطابق سعودی عرب کے شہر تبوک سٹی کے فلیٹ سے نئی نویلی دلہن کی لاش برآمد ہوئی ہے، مقتولہ کی تین ماہ قبل شادی ہوئی تھی۔
[bs-quote quote=” مقتولہ کا شوہر غائب ہے جس کی تلاش جاری ہے” style=”style-8″ align=”left” author_name=”سعودی پولیس”][/bs-quote]
سعودی پولیس نے خاتون کی لاش کو تحویل میں لے کر تحقیقات کا آغاز کردیا ہے۔
پولیس کے مطابق خاتون کے قتل کی اطلاع برابر والے اپارٹمنٹ سے دی گئی، مذکورہ فلیٹ میں پہنچے تو کمرے سے تعفن اٹھ رہا تھا۔
رپورٹ کے مطابق اپارٹمنٹ کے مالک نے تین ماہ قبل ہی نئے شادی شدہ جوڑے کو گھر کرائے پردیا تھا۔
پولیس کا کہنا ہے کہ خاتون کے جسم پر تشدد کے نشانات واضح موجود ہیں جبکہ واقعے کے بعد سےمقتولہ کا شوہر غائب ہے جس کی تلاش جاری ہے۔
سعودی پولیس حکام کی جانب سے مقتولہ کی شناخت ظاہر نہیں کی گئی ہے۔
