لاہور: نیوزی لینڈ نے پاکستان کو تیسرے ٹی 20 میچ میں سنسنی خیز مقابلے کے بعد چار رنز سے شکست دےدی۔
لاہور کے قذافی اسٹیڈیم میں کھیلے گئے میچ میں پاکستان کی ٹیم نیوزی لینڈ کی جانب سے دیے گئے 164 رنز کے تعاقب میں 159 رنز بناسکی۔
افتخار احمد کی دھواں دار 60 اور فہیم اشرف کی 27 رنز کی اننگز بھی ٹیم کو کامیابی نہ دلوا سکی۔
🔊 The @IftiAhmed221 and @iFaheemAshraf show gets the Lahore crowd buzzing! 🙌#PAKvNZ | #CricketMubarak pic.twitter.com/10bEF5p9oP
— Pakistan Cricket (@TheRealPCB) April 17, 2023
اوپنر محمد رضوان 6 رنز بنا کر پویلین لوٹ گئے جبکہ کپتان بابر اعظم ایک رن بنا کر ایڈم ملنے کو وکٹ دے بیٹھے۔
صائم ایوب 10 رنز بنا کر جمی نیشم کا نشانہ بنے، شاداب خان 16 اور عماد وسیم تین رنز بنا کر آؤٹ ہوئے، شاہین شاہ آفریدی کو 6 رنز پر سودھی نے آؤٹ کیا۔
🔙 to 🔙 maximums as @IftiAhmed221 flexes his power-hitting muscle 💪#PAKvNZ | #CricketMubarak pic.twitter.com/n3SVa4jcjH
— Pakistan Cricket (@TheRealPCB) April 17, 2023
نیوزی لینڈ کی جانب سے ایڈم ملنے اور رچن رویندرا نے دو، دو وکٹیں حاصل کیں، ایش سودھی اور جمی نیشم ایک، ایک وکٹ حاصل کرسکے۔
.@FakharZamanLive announces himself with a cracking shot 💥#PAKvNZ | #CricketMubarak pic.twitter.com/BGg2jkThME
— Pakistan Cricket (@TheRealPCB) April 17, 2023
اس سے قبل نیوزی لینڈ نے تیسرے ٹی ٹوئنٹی میچ پاکستان کو جیت کے لئے 164 رنز کا ہدف دیا تھا۔
تیسرے ٹی ٹوئنٹی میچ میں نیوزی لینڈ کے کپتان ٹام لیتھم نے ٹاس جیتا اور پہلے بیٹنگ کا فیصلہ کیا تھا۔
کیوی ٹیم نے مقررہ 20 اوورز میں 5 وکٹوں کے نقصان پر 163 رنز بنائے، کپتان ٹام لیتھم نے 64 رنز کی عمدہ اننگ کھیلی، ڈیرل مچل 33 اور مارک چیمن 16 رنز کے ساتھ نمایاں رہے۔
پاکستان کی جانب سے شاہین شاہ آفریدی اور حارث رؤف نے دو دو وکٹیں حاصل کیں، شاداب خان ایک وکٹ حاصل کرسکے۔
🚨 T O S S A L E R T 🚨
New Zealand win the toss and elect to bat first 🏏#PAKvNZ | #CricketMubarak pic.twitter.com/kzLnc9FFZ9
— Pakistan Cricket (@TheRealPCB) April 17, 2023
ٹاس کے بعد گفتگو میں کیوی کپتان ٹام لیتھم کا کہنا تھا کہ ہم نے پچھلے دو میچز اچھے نہیں کھیلے آج بڑا ٹوٹل بناکر پاکستان کو دباؤ میں لانے کی کوشش کرینگے۔
قومی ٹیم کے کپتان بابراعظم کا کہنا تھا کہ ٹاس جیت جاتے تو ہم بھی پہلے ہی بیٹنگ کرتے اب کوشش کرینگے کہ نیوزی لینڈ کو کم سے کم اسکورز تک محدود کریں۔
Our line-up for the third T20I 👇#PAKvNZ | #CricketMubarak pic.twitter.com/VJEN8PG3L1
— Pakistan Cricket (@TheRealPCB) April 17, 2023
ٹیم میں تبدیلی سے متعلق ٹام لیتھم نے بتایا کہ نیوزی لینڈ کی ٹیم میں دو تبدیلیاں کیں گئیں ہیں، ایڈم ملنےاورایش سوڈھی کی واپسی ہوئی ہے جبکہ پاکستان نے بھی ٹیم میں ایک تبدیلی کی ہے، زمان خان کی جگہ نسیم شاہ کو فائنل الیون میں شامل کیا گیا ہے۔
قومی ٹیم کے کپتان بابراعظم کا کہنا تھا کہ میں اپنی بیٹنگ انجوائےکررہاہوں،فارم جاری رکھنےکی کوشش ہوگی۔
واضح رہے کہ قومی ٹیم ابتدائی دو میچوں میں کیویز پر مکمل حاوی رہی۔ پہلے میچ میں 88 جب کہ دوسرے میں 38 رنز سے کامیابی حاصل کی تھی۔