The news is by your side.

Advertisement

قومی مالیاتی کمیشن ایوارڈ کا اجلاس آج لاہور میں ہوگا

لاہور: قومی مالیاتی کمیشن ایوارڈ کا اجلاس آج لاہور میں ہوگا، وزیر خزانہ اسد عمر صدارت کریں گے۔

تفصیلات کے مطابق قومی مالیاتی کمیشن ایوارڈ کے اجلاس میں چاروں وزراء اعلیٰ اور سیکریٹری خزانہ شریک ہوں گے، مرکز سے صوبوں کو وسائل کی تقسیم کے بارے میں غور ہوگا۔

ذرائع کا کہنا ہے کہ گزشتہ اجلاس میں چھے سب گروپس بنائے گئے تھے، پنجاب کو میکرو اکنامک فریم ورک اینڈ ڈیزائن بنچ مارک کے لیے سب ورکنگ گروپ کی ذمہ داری دی گئی تھی۔

این ایف سی ایوارڈ میں پنجاب کی جانب سے پریزنٹیشن دی جائے گی۔

خیال رہے کہ رواں سال فروری میں اسپیکر بلوچستان اسمبلی عبدالقدوس بزنجو نےمطالبہ کیا تھا کہ این ایف سی ایوارڈ میں صوبے کا حصہ بڑھایا جائے۔

یاد رہے کہ صوبوں کو آخری این ایف سی ایوارڈ کا اجراء دسمبر 2014 میں ہوا تھا ، ذرائع کےمطابق وفاق ڈیویزایبل پول میں سےصوبوں کے حصے میں کمی کا مطالبہ کرسکتاہے، سیکیورٹی اور فاٹا اخراجات کے لیے وفاق اپنا حصہ سات فیصد بڑھانا چاہتا ہے۔

این ایف سی ایوارڈ: بلوچستان کا حصہ بڑھانے کا مطالبہ

ذرائع کے مطابق وفاقی حکومت کو سندھ اور بلوچستان کی جانب مخالفت کا سامنا ہے کیونکہ دونوں صوبے این ایف سی کی مد میں ملنے والی رقم سے کٹوتی نہیں چاہتے۔

Comments

comments

یہ بھی پڑھیں