اسلام آباد : پاکستان میں اومی کرون ویرینٹ کے پہلے کیس کی تصدیق ہوگئی ، کراچی کی خاتون میں اومی کرون کی تصدیق ہوئی جبکہ دیگردوافراد میں اومی کرون کےشواہد نہیں ملے۔
تفصیلات کے مطابق قومی ادارہ صحت نے پاکستان میں پہلے اومی کرون ویرینٹ کیس کی تصدیق کردی، ترجمان این آئی ایچ کی جانب سے کہا گیا ہے کہ کراچی سے موصول سیمپل میں اومی کرون پایا گیا ہے،اومی کرون کی تصدیق جینوم سیکونسنگ سے ہوئی.
The NIH has been able to confirm (via whole genome sequencing) that a recently suspected sample from Karachi is indeed the ‘Omicron variant’ of SARS-CoV2. This is the first confirmed case but continued surveillance of suspected samples is in place to identify the trends.
— NIH Pakistan (@NIH_Pakistan) December 13, 2021
قومی ادارہ صحت کا کہنا تھا کہ کورونا کے پرانے و نئے ویرینٹ سے بچاؤ کیلئے ویکسی نیشن اہم ہے، شہری ترجیحی بنیادوں پر کورونا سے بچاؤکی ویکسین لگوائیں۔
The importance of getting vaccinated to protect from serious effects of existing and new variants is therefore highlighted. Please get yourself vaccinated according to guidelines issued by the NCOC.
— NIH Pakistan (@NIH_Pakistan) December 13, 2021
ذرائع این آئی ایچ نے بتایا کہ اومی کرون پازیٹو 65 سالہ خاتون نے ویکسی نیشن نہیں کرائی تھی، کراچی سے موصول 3سیمپلز کی جینوم سیکوئنسنگ مکمل ہو گئی ، موصول 2سیمپلز میں اومی کرون کی تصدیق نہیں ہوئی۔
اومی کرون پازیٹو مریضہ 8 دسمبر سے گھر پر آئسولیشن میں ہیں، متاثرہ خاتون کراچی کےآغاخان اسپتال میں زیرعلاج رہیں۔
