نیمل خاور یوں تو اپنی شادی کے بعد سے شوبز انڈسٹری سے کنارہ کشی اختیار کیے ہوئے ہیں مگر وہ سوشل میڈیا پلیٹ فارم پر اکثر و بیشتر مداحوں کے ساتھ اپنی تصاویر شیئر کرنا نہیں بھولتیں۔
معروف سابقہ اداکار اور حمزہ علی عباسی کی اہلیہ نے ساحل سمندر سے تازہ تصاویر انسٹاگرام پر شیئر کی ہیں جس میں وہ ہمیشہ کی طرح دلکش اور تازگی سے بھرپور نظر آرہی ہیں، انھوں نے مداحوں کے لیے کیپشن میں لکھا ’ہیلو فراہم جے پی‘۔
انھوں نے یہ واضح نہیں کیا کہ آیا وہ جاپان میں ہیں یا کہیں اور مگر تصاویر کو دیکھ کر فینز یہی قیاس کررہے ہیں کہ اداکارہ اس وقت جاپان میں سیر سپاٹے کررہی ہیں۔
گزشتہ روز ان کی جانب سے شیئر کی گئی تصاویر کو اب تک ہزاروں مداح دیکھ چکے ہیں اور ان کی خوبصورتی کی تعریف بھی کررہے ہیں۔
واضح رہے کہ نیمل خاور سوشل میڈیا پر کافی متحرک رہتی ہیں اور اکثر فیملی فوٹوز بھی شیئر کرتی رہتی ہیں جسے شائقین کافی پسند کرتے ہیں۔
پاکستان کے معروف اداکار حمزہ علی عباسی اور چند مشہور پاکستانی ڈراموں میں اداکاری کرنے والی نیمل خاور 2019 میں شادی کے بندھن میں بندھے تھے جب کہ جوڑے کا ایک بیٹا مصطفیٰ عباسی ہے۔
