نئی دہلی: بھارت میں مرکزی اداروں کے سرکاری ملازمین کو اس وقت گہرا صدمہ اور معاشی جھٹکا پہنچا جب حکومت نے 18 ماہ سے معطل ان کا مہنگائی الاؤنس اب بھی بحال نہ کرنے کا اعلان کیا۔
بھارتی میڈیا کے مطابق حکومت نے واضح کیا ہے کہ سرکاری ملازمین کے لیے کرونا وائرس کے دنوں میں روکا جانے والا 18 ماہ کا مہنگائی الاؤنس نہیں دیا جائے گا۔
لوک سبھا کے اجلاس میں بتایا گیا کہ مہنگائی الاؤنس روکنے سے 34 ارب روپے کی بچت ہوئی جو وبا سے قابو پانے کے اقدامات پر خرچ کیا گیا۔
حکومت کا کہنا ہے کہ فی الحال بجٹ خسارہ حد سے تجاوز کرگیا ہے جس کے باعث مہنگائی الاؤنس دینا ممکن نہیں۔
حکومت کے اس اعلان کے بعد مہنگائی اور معاشی بحران کے مارے سرکاری ملازمین کی امیدوں پر پانی پھر گیا جو ہولی کے موقع پر اپنے الاؤنس بحال ہونے کی توقع لگائے بیٹھے تھے۔
Comments
- Advertisement -
