The news is by your side.

Advertisement

’کوئی آپ کی جگہ نہیں لے سکتا‘ عمرشریف کے انتقال پر مہوش حیات کا پیغام

پاکستانی اسٹار مہوش حیات نے لیجنڈری کامیڈی کنگ کے انتقال پر اظہار افسوس کرتے ہوئے کہا کہ عمر شریف آپ کا شکریہ جو مسکراہٹیں ہمارے چہرے پر بکھیریں اور خوشیاں ہماری زندگیوں میں لائے۔

پاکستانی شوبز انڈسٹری سے تعلق رکھنے والی مایہ ناز اداکارہ مہوش حیات نے عمر شریف کے انتقال پر گہرے رنج و غم کا اظہار کرتے ہوئے مداحوں سے ان کےلیے دعائے مغفرت کی درخواست کی اور ٹوئٹ میں کہا کہ ’کوئی بھی آپ کی جگہ نہیں لے سکتا‘۔

مہوش حیات نے اپنے ٹوئٹر پیغام میں کہا کہ ’قوم ایک اور عظیم لیجنڈ، کامیڈی کے بادشاہ کے انتقال پر سوگوار ہے‘۔

کامیڈی کنگ عمر شریف کی زندگی پر ایک نظر

واضح رہے کہ گزشتہ روز لیجنڈ کامیڈین عمر شریف طویل علالت کے بعد جرمنی کے اسپتال میں 66 برس کی عمر میں انتقال کر گئے۔

خیال رہے کہ اسٹیج ڈراموں کے بے تاج بادشاہ نے 1980ء میں پہلی بار آڈیو کیسٹ سے اپنے ڈرامے ریلیز کیے، جو پاکستان کے ساتھ ساتھ بھارت میں بھی کافی مقبول ہوئے۔

Comments

یہ بھی پڑھیں