The news is by your side.

Advertisement

نور مقدم قتل کیس : ملزم ظاہرجعفرکی والدہ نےضمانت کیلیے عدالت سےرجوع کرلیا

اسلام آباد : نور مقدم قتل کیس کے مرکزی ملزم ظاہر جعفر کی والدہ نے ضمانت کے لیے اسلام آباد ہائیکورٹ سے رجوع کرلیا۔

تفصیلات کے مطابق نور مقدم قتل کیس میں مرکزی ملزم ظاہرجعفرکی والدہ نےضمانت کےلیے اسلام آباد ہائی کورٹ میں درخواست دائر کردی۔

درخواست میں ایڈیشنل اینڈسیشن جج،شوکت علی مقدم سمیت دیگر فریق بنایا گیا ہے ، درخواست میں مؤقف اختیار کیا گیا ہے کہ عصمت آدم اعلی تعلیم یافتہ اور فلاحی کاموں میں مصروف ہیں ، 20جولائی دوہزار اکیس کو مقامی عدالت نے ضمانت بعد از گرفتاری مسترد کی۔

درخواست میں کہا گیا کہ عصمت آدم جی قابل عزت شہری ہیں اور گزشتہ تین ماہ سے اڈیالہ جیل میں پابند سلاسل ہیں، چودہ اکتوبر کو مقامی عدالت نے فرد جرم عائد کرنے کی کارروائی شروع کرنے کا حکم دیا۔

درخواست گزار نے استدعا کی کہ عدالت ضمانت بعد از گرفتاری منظور کرے۔

یاد رہے دو روز قبل سپریم کورٹ نے نور مقدم قتل کیس میں ملزم ظاہر جعفر کے والدین کی درخواست ضمانت پر عصمت ذاکر کی حد تک شواہد پیش کرنے کی ہدایت کی تھی۔

Comments

یہ بھی پڑھیں