اسلام آباد : سابق سفیر کی بیٹی نور مقدم کے قتل کو آج ایک سال مکمل ہوگیا، سفاک مجرم ظاہر جعفر نے نور مقدم کا بہیمانہ قتل کرکے سر دھڑ سے جدا کردیا تھا۔
قتل کی روح فرسا واردات کے بعد ٹرائل کورٹ نے ظاہر جعفر کو سزائے موت اور دو شریک مجرموں کو دس دس قید کی سزا سنائی تھی۔
ٹرائل کورٹ نے نور مقدم قتل کیس کا فیصلہ 24 فروری کو دیا تھا، جس کے جواب میں مجرموں کی سزا کے خلاف اپیلیں 14 ستمبر کو سماعت کے لیے مقرر ہیں
ذرائع کے مطابق جسٹس عامر فاروق اور جسٹس ارباب محمد طاہر پر مشتمل بنچ سماعت کریں گے، عدالت نے رجسٹرار ہائی کورٹ کو پیپر بکس کی تیاری کا حکم دے رکھا ہے۔
نور مقدم قتل کیس کا تفصیلی فیصلہ جاری
مجرم ظاہر جعفر، افتخار اور جان محمد نے سزائے کے خلاف اپیلیں دائر کر رکھی ہیں، مدعی مقدمہ نے عصمت آدم، ذاکر جعفر، جمیل، تھراپی ورکس کے چھ افراد کی بریت چیلنج کر رکھی ہے
نور مقدم کیس: مجرموں کی سزا بڑھانے کے لیے درخواست دائر
ذرائع کے مطابق دوسری جانب مدعی مقدمہ نے مجرمان ظاہر جعفر، افتخار اور جان محمد کی سزا بڑھانے کی اپیل بھی دائر رکھی ہے۔
