بالی ووڈ انڈسٹری میں ڈانس سے نام بنانے والی نورا فتحی نے زندگی میں پیسوں کو ترجیح دینے سے متعلق کھل کر بات کی ہے۔
ایک انٹر ویوں میں مراکشی ڈانسر نورا سے ہوسٹ نے سوال کیا کہ ’ اکشے کمار نے کہا تھا آپ پیسوں کے معاملے میں بہت سخت ہیں جس پر نورا نے جواب دیتے ہوئے کہا کہ پیسوں کے معاملے میں سخت ہونا ضروری ہے‘۔
انہوں نے اس بات کی وضاحت میں کہا کہ میں 24 گھنٹے کام کرتی ہوں، جس کی بہت ساری وجوہات ہیں، میں اپنی فیملی میں اکیلی کمانے والی ہوں اور اپنے خاندان کا خیال بھی رکھتی ہوں، میرے پاس ایسا کوئی نہیں جو میری ملی امداد کرتا ہو۔
نورا فتحی نے بتایا کہ میں اپنی گھر کی ضروریات، گھر کا کرایہ خود ادا کرتی ہوں اس کے ساتھ اپنی والدہ اور بہن بھائیوں کا خیال رکھتی ہوں، ہمارے یہاں خواتین کا مالی مستحکم ہونا بہتت ضروری ہے۔
نورا فتحی نے انکشاف کیا اور بتایا کہ میں نے 16 سال کی عمر سے کمانا شروع کر دیا تھا، اس لیے میں اس دور کو زیادہ انجوائے نہیں کرسکیں۔
واضح رہے کہ نورا فتحی کو بالی ووڈ میں بریک فلم ’راکی‘ ہینڈسم کے گیت ’راک دا پارٹی‘ میں ڈانس کے بعد ملا، جس کے بعد وہ دیکھتے ہی دیکھتے بھارت میں سب سے مشہور رقاصہ بن گئیں۔
