The news is by your side.

Advertisement

سندھ میں تعلیمی ادارے کھولنے کا نوٹیفکیشن جاری

سندھ حکومت نے 7 جون بروز پیر سے صوبے بھر کے تعلیمی ادارے کھولنے کا نوٹیفکیشن جاری ‏کر دیا۔

محکمہ تعلیم سندھ کی جانب سے جاری نوٹیفکیشن کے مطابق نویں سے بارہویں جماعت تک ‏تعلیمی ادارے 7 جون سے کھل جائیں گے تمام نجی و سرکاری اسکول و کالج بھی پیر سے کھولے ‏جائیں گے۔

اساتذہ کو کل تعلیمی اداروں میں حاضری کی ہدایت دیتے ہوئے کہا گیا ہے کہ اساتذہ خود کو 2 ہفتوں کے ‏دوران ویکسین لگوالیں، ہدایت پر عمل نہ کرنے والےاساتذہ کے خلاف قانونی کاروائی کی جائے ‏گی۔

Image

اس سے قبل وزیرتعلیم سندھ سعید غنی نے سماجی رابطے کی ویب سائٹ ٹوئٹر پر جاری بیان میں ‏کل سے تعلیمی ادارے کھولنے کا اعلان کیا۔

سعید غنی کی جانب سے ٹوئٹ کیا گیا کہ سندھ کرونا ٹاسک فورس نے کل 7 جون سے سندھ کے ‏تعلیمی اداروں کو نویں اور اوپر کی جماعتوں کیلئے سخت ایس او پیز اور پچاس فیصد حاضری کے ‏ساتھ کھولنے کا فیصلہ کیا ہے، تمام عملے کو کورونا ویکسین لگوانی ہوگی۔

Comments

یہ بھی پڑھیں