نااہلی فیصلےکوجھٹلا کرنوازشریف عدالتی نظام تباہ کرناچاہتےہیں‘عمران خان -
The news is by your side.

Advertisement

نااہلی فیصلےکوجھٹلا کرنوازشریف عدالتی نظام تباہ کرناچاہتےہیں‘عمران خان

اسلام آباد : چیئرمین پاکستان تحریک انصاف عمران خان کا کہنا ہے کہ نااہلی کےبعد نوازشریف جمہوری نظام کاقلع قمع چاہتے ہیں۔

تفصیلات کے مطابق تحریک انصاف کے سربراہ عمران خان کا کہنا ہے کہ سپریم کورٹ کےفیصلےکوجھٹلا کر نوازشریف عدالتی نظام تباہ کرنا چاہتے ہیں۔

نوازشریف کی جانب سے جی ٹی روڈ پر جلوس کے ہمراہ لاہور جانے کے اعلان پر چیرمین تحریک انصاف عمران خان نے تشویش کا اظہار کرتے ہوئے کہا کہ نوازشریف کا منصوبہ سپریم کورٹ کے فیصلے کا مذاق اڑانے کے مترادف ہے۔

عمران خان نے کہا کہ نوازشریف اپنی نااہلی کے بعد پورا جمہوری نظام تباہ کرنے پر تلے ہوئے ہیں جبکہ نوازشریف کرپشن بے نقاب ہونے پرہی قیادت کا اخلاقی جواز کھو چکے تھے۔

تحریک انصاف کے سربراہ کا کہنا ہے کہ نوازشریف کی ریلی کا دوسرا بڑا مقصد نیب پردباؤ ڈالنا ہے انہوں نے کہا کہ نیب شریفوں کےخلاف کرپشن،منی لانڈرنگ جیسےکیسزپرکارروائی کرے گی۔


بہت کچھ سمجھ میں آرہا ہےلیکن خاموش رہناچاہتا ہوں‘ نوازشریف


واضح رہے کہ گزشتہ روز نوازشریف کا کہنا تھا کہ بہت کچھ سمجھ میں آرہا ہے اور کہنا چاہتاہوں لیکن ابھی خاموش رہنا چاہتا ہوں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں