پاکستان اور نیوزی لینڈ کے درمیان ٹی ٹوئنٹی سیریز کا شیڈول پاکستان کرکٹ بورڈ (پی سی بی) نے فائنل کردیا۔
ذرائع کا کہنا ہے کہ نیوزی لینڈ کی ٹیم 5 ٹی ٹوئنٹی میچز کھیلنے کے لیے اگلے ماہ پاکستان پہنچے گی۔
نیوزی لینڈ کی ٹیم 14 اپریل کو اسلام آباد پہنچے گی، پانچ میچز پر مشتمل سیریز کے میچز راولپنڈی اور لاہور میں 18 سے27 اپریل کے درمیان کھیلے جائیں گے۔
سیریز کے ابتدائی تین میچ 18، 20 اور 21 اپریل کو راولپنڈی میں کھیلے جائیں گے جبکہ لاہور میں 25 اور 27 اپریل کو میچز کا انعقاد کیا جائے گا۔
دوسری جانب آسٹریلوی ٹیم کے سابق کپتان رکی پونٹنگ نے مایہ ناز کرکٹر اسٹیو اسمتھ سے متعلق پیش گوئی کردی۔
آئی سی سی ریویو میں اظہار خیال کرتے ہوئے رکی پونٹنگ نے کہا کہ اسٹیو اسمتھ جیسے تجربہ کار کھلاڑی کو ورلڈ کپ میں ساتھ رکھنا اچھا لگتا ہے، اس کے ساتھ یہ بھی دیکھنا ہوگا کہ ان کو کیا کردار دیں گے۔
انہوں نے کہا کہ میرے خیال میں اگر اسٹیو اسمتھ ٹی 20 ورلڈ کپ اسکواڈ میں شامل ہوتے ہیں تو وہ آغاز میں پلئنگ الیون کا حصہ نہیں ہوں گے۔
