The news is by your side.

Advertisement

ڈونلڈٹرمپ کو اقتدارمیں لانے کا مطلب ترقی کو داؤ پر لگانا ہوگا، اوباما

واشنگٹن : امریکی صدر اوباما نے بھی ٹرمپ کے غیر اخلاقی بیانات کی مذمت کرتے ہوئے کہا کہ ڈونلڈٹرمپ کو اقتدار میں لانے کا مطلب ترقی کو داؤ پر لگانا ہوگا، ٹرمپ کی ناقابل یقین بیان بازی پریشان کن مثال ہے۔

ڈونلڈ ٹرمپ کی خواتین سے متعلق غیر اخلاقی گفتگو کی ریکارڈنگ منظر عام پرآنے کے بعد امریکا میں تمام ہی حلقوں کی جانب سے مذمتوں کا سلسلہ جاری ہے۔

شکاگو میں ایک تقریب میں صدراوباما کا کہنا تھا کہ ڈونلڈ ٹرمپ کے بیانات ری پبلکن پارٹی کے تحت آنا پریشان کن ہے، ٹرمپ کو بنیادی اقدار کی پروا نہیں، ٹرمپ تہذیب سے لاپروا، جمہوریت کے احترام سے محروم ہیں۔

براک اوباما کا مزید کہنا تھا کہ ڈونلڈ ٹرمپ کو اقتدار میں لانے کا مطلب ترقی کو داؤ پر لگانا ہوگا، ٹرمپ خود کو اونچا دکھانے کیلئے خواتین، اقلیتوں، تارکین وطن کو نیچا دکھانا چاہتے ہیں۔

یاد رہے کہ دو روز قبل امریکی صدارتی امیدوار ڈونلڈ ٹرمپ نے ایک آڈیو کے منظر عام پر آنے کے بعد معذرت کرلی تھی، فیس بک پرجاری کی گئی ویڈیو میں ڈونلڈ ٹرمپ نے خواتین کے بارے میں نازیبا گفتگو کرنے پرمعافی مانگی، ٹرمپ کا کہنا تھا کہ اگر کسی کو ٹھیس پہنچی ہے تو میں اس پر معذرت چاہتا ہوں۔


مزید پڑھیں : خواتین کیخلاف نازیبا ریمارکس، ڈونلڈ ٹرمپ نے معافی مانگ لی


واضح رہے کہ امریکی اخبار نے حال ہی میں دوہزارپانچ میں بنائی گئی ڈونلڈ ٹرمپ کی ایک آڈیو جاری کی تھی، جس میں انہیں خواتین کے بارے میں نازیبا ریمارکس دیتے ہوئے دیکھا جاسکتا ہے، آڈیو کلپ میں ٹرمپ ٹی وی میزبان بلی بش کیساتھ خواتین سے متعلق غیراخلاقی گفتگو کررہے تھے۔

Comments

comments

یہ بھی پڑھیں