شام پر امریکی حملہ: خام تیل اور سونے کی قیمتوں میں اضافہ -
The news is by your side.

Advertisement

شام پر امریکی حملہ: خام تیل اور سونے کی قیمتوں میں اضافہ

امریکا کے شام پر حملے بعد عالمی منڈی میں خام تیل اور سونے کی قیمت میں نمایاں اضافہ ریکارڈ کیا گیا۔ عالمی منڈیوں میں سرمایہ کار محفوظ سرمایہ کاری پر دھیان دے رہے ہیں۔

تفصیلات کے مطابق شام اور روس کے بعد امریکا نے بھی شام پر بمباری کا آغاز کردیا۔ امریکا نے شامی حکومت کے 2 روز قبل کیے جانے والے کیمیائی حملے کے جواب میں شام پر 60 ٹام ہاک کروز میزائل داغے ہیں۔

امریکا کی جانب سے شامی فضائیہ کے طیاروں اور ایندھن کے اسٹیشن کو نشانہ بنایا گیا۔

مزید پڑھیں: امریکا کی شام کے خلاف فضائی کارروائی

شام پر امریکی حملے کے بعد عالمی منڈی میں خام تیل کی قیمت میں 2 فیصد اضافہ ریکارڈ کیا گیا۔ عالمی منڈی برینٹ خام تیل کی قیمت میں 55 ڈالر 68 سینٹس جبکہ امریکی خام تیل کی قیمت 52 ڈالر 50 سینٹس فی بیرل ہوگئی۔

اس کے ساتھ ساتھ عالمی منڈیوں میں سونے کی قیمت میں 11 ڈالر کے اضافے کے ساتھ 12 سو 64 ڈالر فی بیرل ہوگئی۔

عالمی معاشی تجزیہ کاروں کے مطابق سونے اور تیل میں اضافے کا رجحان وسط ایشیائی رسک پریمیئم کہلاتا ہے۔ ایشیائی اسٹاک مارکیٹ بھی دباؤ کا شکار نظر آرہی ہیں۔

Comments

comments

یہ بھی پڑھیں