The news is by your side.

Advertisement

پرانی اے ٹی ایم مشین نے نوجوانوں کو راتوں رات امیر کردیا

پُرانی اے ٹی ایم مشین خریدنے والے لڑکے دیکھتے ہی دیکھتے لکھ پتی بن گئے، واقعے کی تفصیلات جان کر آپ بھی ششدر رہ جائیں گے۔

غیر ملکی خبررساں ادارے کی رپورٹ کے مطابق امریکا سے تعلق رکھنے والے نوجوانوں نے ایک شخص سے پُرانی اے ٹی ایم مشین خریدی جس کے اندر سے ساڑھے تین لاکھ روپے برآمد ہوئے۔

امریکی نوجوانوں نے اے ٹی ایم مشین سے پیسے نکالنے کی ویڈیو سوشل میڈیا پلیٹ فارم ٹک ٹاک پر بھی شیئر کی۔

ایک نوجوان کو ویڈیو میں کہتے سنا جاسکتا ہے کہ یہ اے ٹی ایم مشین اس کی (سابق مالک) تھی، جس نے چابیاں کھوجانے پر ہمیں 300 ڈالر کے عوض بیچ دی۔

سابق مالک نے ہم سے کہا کہ اس کی چابیاں کھو گئی ہیں اگر تم لوگ اسے خریدنا چاہو تو اس اے ٹی ایم مشین میں جو بھی رقم موجود ہوئی وہ تم رکھ لینا۔

اب ہم اس اے ٹی ایم مشین کو ہتھوڑے اور ڈرل مشین کی مدد سے کھولنے میں کامیاب ہوئے ہیں جس کے اندر سے 2000 ڈالر نکلے ہیں۔

Comments

یہ بھی پڑھیں