The news is by your side.

Advertisement

کرونا وائرس : عمان میں ہونے والی مبینہ ہلاکت سے متعلق وضاحت جاری

مسقط : عمان کے رائل اسپتال نے گزشتہ روز ایک بیان جاری کیا ہے جس میں واضح کیا گیا ہے کہ کرونا وائرس (سی او وی آئی ڈی19)میں مبتلا شخص کی موت عمان میں واقع نہیں ہوئی ہے۔

تفصیلات کے مطابق عمان کے رائل اسپتال کی انتظامیہ  نے کرونا وائرس سے مبینہ ہلاکت کی وضاحت جاری کردی ہے، یہ بیان رائل ہاسپٹل میں (سی او وی آئی ڈی19) میں مبتلا شخص کی ہلاکت کے بارے میں سوشل میڈیا پر پھیلائی جانے والی افواہ کے ردعمل کے طور پر جاری کیا گیا تھا۔

اسپتال کے بیان میں کہا گیا ہے کہ رائل اسپتال یہ وضاحت کرتا ہے کہ متاثرہ شخص کی موت کی ویڈیو ریکارڈنگ  اور اسپتال کے بارے میں سوشل میڈیا کے ذریعے پھیلایا جانے والا پیغام سراسر غلط ہے۔

بیان میں مزید کہا گیا ہے کہ مریض کا علاج جاری ہے اور اسے انتہائی نگہداشت کے وارڈ میں رکھا گیا ہے اور اب وہ کافی حد تک صحت یاب بھی ہوچکا ہے۔

اسپتال سے جاری بیان میں مزید کہا گیا ہے کہ کرونا وائرس سے متعلق کسی افواہ پر یقین نہ کریں بلکہ حکومت کی جانب سے جاری کردہ معلومات اور اعداد وشمار پر انحصار کیا جائے۔

fb-share-icon0
Tweet 20

Comments

comments

یہ بھی پڑھیں