کراچی: پاکستان میں مزاحیہ تھیٹر کی دنیا پر ایک عرصے تک راج کرنے والے نامور اداکار مرحوم عمر شریف کی اہلیہ نے ان کی نعت شیئر کر دی ہے۔
آج ملک بھر میں عید میلاد النبیﷺ انتہائی عقیدت اور مذہبی جوش و جذبے سے منایا جا رہا ہے، اسی مناسبت سے کامیڈی کے بے تاج بادشاہ مرحوم عمر شریف کی اہلیہ نے ان کی یاد میں ان کی ایک نعت شریف انسٹاگرام پر شیئر کی ہے۔
عمر شریف اس دنیا سے چلے گئے ہیں لیکن ان کی ہنستی مسکراتی اور خوش گوار یادیں پیچھے رہ گئی ہیں، ان کی ایک یادگار ایک نعت بھی ہے، جو انھوں نے ایک ٹی وی پروگرام میں نہایت خوب صورت آواز میں سنائی تھی۔
یہ ویڈیو زریں عمر نے 12 ربیع الاوّل کی مناسب سے اپنے شوہر کے مداحوں کے ساتھ شئیر کی ہے، جس میں وہ خوب سرور میں ڈوب کر نعتِ رسول مقبول ﷺ پڑھ رہے ہیں ہے۔
مشہور نعت یہ سب تمھارا کرم ہے آقا پڑھنے کے ساتھ ساتھ وہ تحت الفظ میں کچھ اشعار اور وعظ بھی سناتے ہیں۔ یہ نعت سننے کے بعد دنیا بھر میں موجود عمر شریف کے لاکھوں مداح ایک بار پھر غمگین ہو گئے ہیں۔
یاد رہےکہ لیجنڈ کامیڈین اور اسٹیج کے بے تاج بادشاہ عمر شریف رواں ماہ 2 اکتوبر کو جرمنی کے اسپتال میں انتقال کر گئے تھے۔
View this post on Instagram
