The news is by your side.

Advertisement

دنیا بھر میں تیل کی بڑھتی قیمتوں پر قابو پانے کیلیے اوپیک کا اہم فیصلہ

دنیا بھر میں تیل کی بڑھتی قیمتوں پر قابو پانے کے لیے اوپیک نے آئندہ ماہ جولائی میں تیل کی پیداوار میں نمایاں اضافے پر اتفاق کیا ہے۔

غیر ملکی میڈیا کے مطابق دنیا بھر میں تیل کی بڑھتی قیمتوں پر قابو پانے کے لیے اوپیک نے جولائی میں تیل کی پیداوار میں نمایاں اضافے پر اتفاق کیا ہے۔

غیر ملکی میڈیا رپورٹس کے مطابق اوپیک نے آئندہ ماہ جولائی میں تیل کی پیداوار 6 لاکھ 48 ہزار بیرل یومیہ کرنے پر اتفاق کیا ہے اس سے قبل اوپیک نے پہلے ماہانہ پیداوار میں 4 لاکھ 32 ہزار بیرل اضافہ کیا تھا۔

واضح رہے کہ اوپیک نے روس یوکرین جنگ شروع ہونے کے بعد ہی خبردار کر دیا تھا کہ روس پر موجودہ اور مستقبل کی پابندیاں تاریخ میں تیل کی سپلائی کے بدترین بحرانوں میں سے ایک کو جنم دے سکتی ہیں۔

یہ بھی پڑھیں: اوپیک نے روسی تیل سے متعلق یورپ کو خبردار کر دیا

اوپیک کے سیکریٹری جنرل محمد بارکینڈو نے یورپی یونین کے حکام کو خبردار کرتے ہوئے کہا تھا کہ ایسی صورت میں ضائع ہونے والے حجم کو تبدیل کرنا ناممکن ہوگا، انھوں نے وضاحت کی کہ روسی تجارت پر پابندیوں اور دیگر پابندیوں کے نتیجے میں روزانہ تقریباً 7 ملین بیرل روسی خام تیل عالمی منڈی سے نکل رہا ہے۔

یاد رہے کہ روس یوکرین تنازع کے ساتھ ہی دنیا بھر میں خام تیل کی قیمتوں میں مسلسل اضافہ جاری ہے۔

Comments

یہ بھی پڑھیں