The news is by your side.

Advertisement

جبل نور پر قائم عارضی دکانیں ہٹا دی گئیں

ریاض: مکہ مکرمہ میں جبل نور پر قائم کچی اور عارضی دکانیں اور گیسٹ ہاؤسز ہٹا دیے گئے، مذکورہ مقام پر صفائی اور جراثیم کش ادویہ کا چھڑکاؤ بھی کروایا گیا۔

سعودی ویب سائٹ کے مطابق مکہ مکرمہ میونسپلٹی کے ماتحت ممنوعہ سرگرمیوں کے انسداد پر مامور کمیٹی کے ارکان نے جبل نور کے علاقے میں قائم عارضی دکانیں اور دیسی طرز کے گیسٹ ہاﺅسز ہٹا دیے ہیں۔

یہاں پر مقیم غیر ملکی یہاں زائرین کو کھانے پینے کی اشیا فروخت کرنے کے لیے فرشی دکانیں قائم کیے ہوئے تھے۔

مکہ میونسپلٹی کے اہلکاروں نے میدان عرفات میں جبل رحمت اور مکہ مکرمہ میں جبل ثور اور غار ثور کے راستوں پر واقع کچی دکانیں بھی ہٹا دی ہیں۔

ان تمام مقامات پر صفائی اور جراثیم کش ادویہ کا چھڑکاؤ بھی کروایا گیا۔

حکام نے ان تمام مقامات پر زائد المیعاد غذائی اشیا ضبط کر کے تلف کروائیں جبکہ کھانے پینے کی اشیا کی تیاری میں استعمال ہونے والے گیس سلنڈر بھی ضبط کرلیے گئے۔ غیر قانونی طریقے سے یہاں قائم جھونپڑے بھی ہٹا دیے گئے۔

خیال رہے کہ جبل نور مکہ مکرمہ میں واقع ہے، دنیا بھر سے حج، عمرے اور زیارت پر سعودی عرب آنے والے لاکھوں افراد جبل نور اور غار حرا کی زیارت کو بھی اپنے پروگرام میں شامل رکھتے ہیں۔

fb-share-icon0
Tweet 20

Comments

comments

یہ بھی پڑھیں