The news is by your side.

Advertisement

شہباز شریف کے وزیراعظم بنتے ہی اسکول طلبا‌‌ٰء کیلئے بڑی خبر آگئی

لاہور: اسکول کے طلبا کو بھی اورنج ٹرین پر رعایتی پاس پر سفر کرنے کا موقع ملے گا، سفری سہولیات کی فراہمی کیلئے انتظامیہ نے اسکول رہنماؤں سے تجاویز مانگ لیں۔

تفصیلات کے مطابق اورنج ٹرین انتظامیہ طلبا کو مفت یا رعایتی سفری سہولیات مہیا کرنے پر غور کررہی ہے ، اورنج ٹرین بچوں کو اسکول چھوڑنے اور دوبارہ گھر چھوڑنے کیلئے استعمال کی جاسکے گی۔

سفری سہولیات کی فراہمی کیلئے انتظامیہ نے اسکول رہنماؤں سے تجاویز مانگ لیں، اس سلسلے میں اورنج ٹرین انتظامیہ جلد مختلف اسکولوں کے عہدیدران سے میٹنگ کرے گی۔

اسکولز فیڈریشن کا کہنا ہے کہ بچوں کو اورنج ٹرین پر سفرکرنے کیلئے رعایتی پاس جاری کرنے کا فیصلہ خوش آئند ہے.

یاد رہے وزیراعظم شہبازشریف نے اسلام آباد پشاور موڑ سے ایئرپورٹ تک 5دن میں میٹرو چلانےکا اعلان کیا تھا۔

اس حوالے سے وزیر اعظم نے سی ڈی اے، وزارت داخلہ اور این ایچ اےکو میٹرو چلانے کی ہدایات جاری کی تھیں۔

Comments

یہ بھی پڑھیں