مرکزی تنظیم تاجران پاکستان نے وفاقی حکومت کی جانب سے توانائی کی بچت کے لیے مارکیٹیں ساڑھے 8 بجے بند کرانے کے فیصلے پر سخت ردعمل کا اظہار کر دیا۔
تنظیم تاجران پاکستان کے صدر کاشف چوہدری نے اپنے ایک بیان میں کہا کہ کاروباروں کو بند کرنا کسی صورت ممکن نہیں، حکومت کے نمائشی اقدامات سے توانائی کی بچت ممکن نہیں۔
کاشف چوہدری نے خبردار کیا کہ اگر حکومت نے زبردستی دکانیں بند کرانے کی کوشش کی تو مزاحمت ہوگی، حکومت توانائی بچت میں سنجیدہ ہے تو سرکاری سطح پر بجلی کا ضیاع روکے۔
انہوں نے کہا کہ تاجر کاروبار پر بجلی کا استعمال کم کر دیں گے مگر بند نہیں کریں گے، حکومت توانائی کے متبادل ذرائع اختیار کرے۔
