اوساکا: جاپان میں ایک عمارت میں لگی آگ میں 27 افراد لقمۂ اجل بن گئے۔
تفصیلات کے مطابق مغربی جاپان کے شہر اوساکا میں آج جمعہ کے روز ایک عمارت میں آگ لگنے سے 27 افراد ہلاک ہو گئے۔
مبینہ طور پر ہلاک ہونے والے تمام افراد کیتاشینچی علاقے میں واقع عمارت کی چوتھی منزل پر واقع ایک نفسیاتی کلینک میں موجود تھے، یہ ایک مصروف تجارتی اور تفریحی ضلع ہے۔
اوساکا شہر کے فائر ڈپارٹمنٹ کے اہل کار اکیرا کشیموتو نے بتایا کہ حادثے میں اٹھائیس افراد متاثر ہوئے تھے، جن میں سے ستائیس کو دل کا دورہ پڑنے کی حالت میں پایا گیا۔
Japan: 27 feared dead as fire breaks out in commercial building in Osaka: 9 people died 18 people cardiopulmonary arrest Suspected of arson in Osaka Building fire. Nine people were confirmed dead in a fire that broke out in the psychosomatic medicine department of a building in pic.twitter.com/wIjBA5V6GR
— worldnews24u (@worldnews24u) December 17, 2021
رپورٹس کے مطابق متاثرین کو کارڈیو پلمونری اریسٹ کا سامنا کرنا پڑا، یہ اصطلاح اکثر ابتدائی رپورٹس میں موت کی تصدیق ہونے سے پہلے استعمال ہوتی ہے۔
سرکاری نشریاتی ادارے این ایچ کے کا کہنا ہے کہ پولیس اس بات کی تحقیقات کر رہی ہے کہ آگ جان بوجھ کر تو نہیں لگائی گئی۔
Video: 27 feared dead after Osaka building fire, arson suspectedhttps://t.co/ATCJl9jG8O pic.twitter.com/wgntvU14gN
— The Mainichi (Japan Daily News) (@themainichi) December 17, 2021
مقامی فائر ڈپارٹمنٹ نے بتایا کہ آگ لگ بھگ 20 مربع میٹر (215 مربع فٹ) کے رقبے میں پھیلی تھی، ریسکیو اہل کاروں نے آدھے گھنٹے کے اندر کامیابی سے آگ بجھائی، تاہم اندر موجود لوگوں کو بچایا نہ جا سکا۔
سوشل میڈیا پر موجود فوٹیجز میں متاثرہ عمارت کی کھڑکیاں دیکھی جا سکتی ہیں جو سیاہ ہو چکی ہیں، اور اندر سے دھواں نکل رہا ہے، سڑک پر درجنوں فائر انجن اور پولیس کی گاڑیاں دکھائی دے رہی ہیں، حکام نے بتایا کہ آگ پر قابو پانے کے لیے مجموعی طور پر 70 فائر انجنوں کو لگایا گیا تھا، جو کہ زیادہ تر ہنگامی کال کے تقریباً 30 منٹ کے اندر اندر پہنچ گئے تھے۔