ڈرگ ریگولیٹری اتھارٹی( ڈریپ) نے اوسکال ڈی کا پراڈکٹ ری کال الرٹ جاری کر دیا۔
ذرائع کے مطابق ڈریپ نے اوسکال ڈی ٹیبلٹ کے بیچ 6904 کو غیر معیاری قرار دیا گیا ہے، اوسکال ڈی ٹیبلٹ ایرئیس فارماسیوٹیکل پشاور کی تیار کردہ ہے جسے سنٹرل ڈرگز لیبارٹری نے غیر معیاری قرار دیا ہے۔
ذرائع کا کہنا ہے کہ اوسکال ڈی گولی کیلشیم کی شدید کمی کو پورا کرنے کیلئے استعمال کی جاتی ہے، ڈریپ نے فارما کمپنی کو اوسکال ٹیبلٹ کا متاثرہ بیچ مارکیٹ سے فوری اٹھانے کی ہدایت کی ہے۔
ذریپ نے الرٹ جاری کرتے ہوئے کہا کہ کیمسٹ اوسکال ٹیبلٹ کے متاثرہ بیچ کی فروخت روکنے کیلئے اسٹاک چیک کریں، فارما کمپنی اوسکال ڈی ٹیبلٹ کا متاثرہ بیچ کی سپلائی نہ کرے۔
ڈریپ نے کہا کہ کیمسٹ اوسکال ڈی ٹیبلٹ کا متاثرہ بیچ فارما کمپنی کو واپس کریں، صوبائی ٹیمیں میڈیسن مارکیٹ میں سرویلنس بڑھائیں، ڈاکٹرز مریضوں کو اوسکال ڈی ٹیبلٹ کا متاثرہ بیچ استعمال کرنے سے منع کریں۔
ڈریپ نے کہا کہ غیر معیاری گولی کا استعمال مریض کی جان کیلئے خطرناک ہو سکتا ہے، اس سے سر درد اور دھڑکن بے ترتیب ہوسکتی ہے اس کے علاوہ غیر معیاری گولی کے استعمال سے کمزوری، سر چکرا سکتا ہے۔
