اسلام آباد : پاکستان تحریک انصاف کے سینئر وائس چیئرمین شاہ محمود قریشی نے کہا ہے کہ توہین عدالت پر شہبازشریف کیساتھ بھی وہی ہوگا جو یوسف گیلانی کیساتھ ہوا تھا۔
میڈیا سے گفتگو کرتے ہوئے پی ٹی آئی رہنما اور سابق وزیر خارجہ نے کہا کہ ایک سال میں اس حکومت کی کارکردگی قوم کے سامنے عیاں ہوچکی، موجودہ حکومت ہر محاذ پر ناکام ہوچکی ہے، پاکستان کے عام آدمی نے سب سے زیادہ قیمت ادا کی ہے۔
پی ٹی آئی رہنما کا کہنا تھا کہ معیشت بالکل بیٹھ گئی ہے عام آدمی کی زندگی متاثر ہورہی ہے، ہمارے دور میں معاشی نمو چھ فیصد تھی اور آج 0.4 فیصد ہے، ہمارے دور میں مہنگائی 13 فیصد اور آج 35.4 فیصد پر مہنگائی کا طوفان پربا
شاہ محمود قریشی کا کہنا تھا کہ ہمارے دور میں17 بلین ڈالرز ذخائر تھے آج 4.2 بلین ڈالرز ذخائر ہیں، آج کامیاب حکومت کی وجہ سے شرح سود 21 فیصد ہوگئی لیکن آج ج بھی یہ حملے پر تلی ہے۔
شاہ محمود قریشی کا کہنا تھا کہ سپریم کورٹ کے واضح احکامات ہیں آج الیکشن کمیشن کو وسائل مہیا کرنے ہیں، وزیراعظم میں ہمت نہیں کہ وہ عدالتی فیصلے پر عمل درآمدر کرے۔
انہوں نے کہا کہ وزیراعظم کابینہ کے پیچھے چھپتے ہیں اور کابینہ پارلیمنٹ کے پیچھے، اگر توہین عدالت کرتے ہیں تو شہبازشریف کٹہرے میں ہونگے ان کے ساتھ بھی اہی ہوگا جو یوسف رضا گیلانی کے ساتھ ہوا تھا، یہ آج غیر قانونی فیصلوں کو عدالت اور قوم پر مسلط کرنا چاہتے ہیں۔
