جب دشمن نے رات کی تاریکی میں وار کیا تو پاکستان نے دن کی روشنی میں اس کا غرور جلا کر راکھ کر دیا۔ آپریشن بنیان مرصوص صرف جواب نہیں بلکہ مکمل فیصلہ تھا۔

بھارت نے نور خان، شورکوٹ اور مرید ایئربیس پر بزدلانہ حملے سے جنگ کی شروعات کی مگر پاکستان نے جس انداز میں جواب دیا وہ دشمن کے لیے ایک بھیانک خواب بن گیا۔

پاک بھارت کشیدگی سے متعلق تمام خبریں

پاک افواج نے فوراً آپریشن بنیان مرصوص لانچ کیا جو ایک ایسا طوفانی حملہ تھا جس نے بھارت کو جھنجھوڑ کر رکھ دیا۔

بھارتی تنصیبات پر کاری ضرب — غرور زمین بوس!

پاک فضائیہ اور میزائل کمانڈ نے دشمن کے 20 سے زائد حساس فوجی اہداف کو نشانہ بنایا:

• برہموس میزائل ذخیرہ مکمل تباہ — بھارت کا فخر، راکھ بن گیا
• اودھمپور ایئربیس و دفاعی نظام مفلوج
• پٹھان کوٹ، جالندھر، گجرات، راجستھان، چندی گڑھ — ہر بیس، ہر ٹاور ہلا دیا
• دہلی تک میزائل کی ضرب پہنچی — بھارت کا دارالحکومت پہلی بار جنگ کی گھن گرج کے سائے میں
• سری نگر میں 20 بھارتی فوجی ہلاک — قابض فوج پر قہر
• 9 مئی کو بھارتی چیک پوسٹس تباہ — دشمن سے ایک قدم آگے

دو بھارتی جنگی طیارے تباہ، پائلٹس گرفتار — بھارت کو پیغام: اب فضا بھی محفوظ نہیں!

پاک فضائیہ نے دشمن کے دو جنگی طیارے مار گرائے، دونوں بھارتی پائلٹ زندہ گرفتار — دنیا کو پیغام: پاک سرزمین پر ناپاک ارادے نہیں اتر سکتے!

پاکستان کی فضا — دشمن کے ڈرونز کا قبرستان

بھارتی جاسوس ڈرونز نے لاہور اور پشاور کی فضا میں داخل ہونے کی کوشش کی —نرنگ منڈی اور پشاور میں دونوں ڈرونز زمین بوس، دشمن کی آنکھیں نکال دی گئیں۔

سائبر وار میں بھی پاکستان کا غلبہ — بھارت کی ریاستی مشینری جام

یہ صرف میدان جنگ نہیں، ڈیجیٹل محاذ پر بھی پاکستان نے دشمن کو مفلوج کر دیا:

• 10 بڑے توانائی نظام تباہ
• 1744 بھارتی ویب سرورز مکمل ڈیلیٹ
• انڈین ریلوے، دہلی گیس، کشمیر پاور نیٹ ورک بند
• 1300 کیمرے، 120 روٹرز، 500+ ڈیٹا بیس تباہ
• BJP، میڈیا اور حکومتی ویب سائٹس ہیک اور ڈیفیس
• 150+ حساس ڈیٹا بیس چوری، لیک کر دیے گئے

اب بھارت کا ڈیجیٹل نقشہ بھی ہاتھ سے نکل چکا ہے!

بھارتی میڈیا کا پراپیگنڈا — جھوٹ کی آخری سانسیں

’تین پاکستانی طیارے مار گرانے‘ یا ’دہلی پر حملہ ناکام بنانے‘ کے دعوے۔ صرف بھارتی عوام کو جھوٹی تسلی دینے کی کوشش ہیں — حقیقت یہ ہے کہ جنگ شروع ہوئی تھی بھارت سے اور عزت بچائی پاکستان نے!

پاکستان کا پیغام — ابھی تو صرف جواب دیا ہے!

ہم نے دشمن کو دکھا دیا: اب کی بار مارا ہے، اگلی بار مٹائیں گے! فیصلہ اب ہمارا ہے — کب، کہاں، اور کیسے حملہ کرنا ہے — یہ اختیار صرف پاکستان کے پاس ہے۔

بھارت کو یاد رکھنا چاہیے

1965 میں تم نے لاہور کا خواب دیکھا تھا —تب بھی تمہارے ٹینک چھوڑ کر بھاگے تھے۔

2025 میں تم نے پھر وہی حماقت کی —اب کی بار تمہاری فضا، سائبر، اور سرزمین… ہر جگہ ہار ہے!

پاکستان جاگ چکا ہے — تمہارے خواب اب ڈراؤنے بن چکے ہیں!