کراچی کے ایک جوڑے اقصیٰ اور آصف نے گھر کے آنگن میں کیفے کھول لیا۔

اے آر وائی نیوز کے مطابق کراچی کے ایک جوڑے نے گھر کے آنگن میں کیفے کھول لیا، کیفے ’ماضی‘ میں وائی فائی کی سہولت نہیں اور لوگوں کو مشورہ دیا گیا ہے کہ آپس میں باتیں کریں۔

کراچی میں یہ ہوٹل ’نارتھ ناظم‘ کے علاقے میں کھولا گیا ہے۔

کیفے ماضی میں آنے والے یہاں کی کافی کے گرویدہ ہیں، کیفے کی ’میزبان‘ ہر مہمان کا دروازے پر استقبال کرتی ہیں۔

اقصیٰ نے بتایا کہ کیفے کا نام ’ماضی‘ رکھنے کی وجہ یہ تھی کہ لوگوں کو پرانے کراچی کی یاد دلائیں، اس جگہ کو کراچی کی پرانی یادوں کے تحت بنانا تھا۔

انہوں نے کہا کہ میں کسٹمر کا دروازے پر استقبال کرتی ہوں اور میری عادت ہے کہ میں انہیں کسٹمر نہیں بلکہ مہمان کہتی ہوں، روشنی بھی مدھم رکھی گئی ہے تاکہ سکون سے لوگ بیٹھ کر بات کرسکیں۔

کیفے ماضی میں ایک بورڈ بھی لگایا گیا ہے جس میں درج ہے کہ ’وائی فائی کی سہولت میسر نہیں آپ لوگ آُپس میں بات کرکے وقت گزاریں۔‘

خاتون کے مطابق کچھ لوگ ایسے بھی آئے ہیں جو کینیڈا سے پاکستان پہنچے ہیں اور ان کا کہنا ہے کہ ان کی لسٹ میں تھا کہ کیفے ماضی میں جانا ہے اورلوگوں کا کہنا ہے کہ ایسی کافی اٹلی اور برطانیہ میں بھی نہیں پی ہے۔

ایک کسٹمر کا کہنا تھا کہ ہمیں اب روزانہ کافی کی طلب ہوتی ہے اور ہم یہاں آتے ہیں۔

ایک اور کسٹمر نے کہا کہ بہت اچھا ماحول ہے اور اس میں کوئی شبہ نہیں ہے یہاں کی کافی بہت اچھی ہے اب ہم کہیں اور پیسے ضائع نہیں کرتے اور خوشی سے یہاں آتے ہیں۔

پاکستان فیڈرل یونین آف جرنلسٹس نے پیکا ایکٹ کےخلاف کل یوم سیاہ منانے کا اعلان کیا ہے، کالے قانون کےخلاف دھرنے کے کال دی جائے گی۔

صدر پی ایف یوجے افضل بٹ نے پروگرام آف دی ریکارڈ میں گفتگو کرتے ہوئے کہا کہ صدر مملکت کا ملاقات کا موقع دیے بغیر بل پردستخط کرنا افسوسناک ہے، اس کالےقانون کےخلاف پارلیمنٹ ہاؤس کے باہر دھرنے کی کال دی جائے گی، قانون کی واپسی تک احتجاج اور دھرنا جاری رہے گا۔

افضل بٹ نے کہا کہ پریس کلب، یونین دفاتر پر سیاہ پرچم لہرائے جائیں گے، ملاقات کے بغیر صدر کابل پر دستخط کرنا افسوسناک ہے، جوائنٹ ایکشن کمیٹی نے مطالبہ کیا تھا کہ ہمارا مؤقف سنا جائے۔

صدر پی ایف یو جے نے کہا کہ آصف زرداری جوڑ توڑ کی سیاست سے جانے جاتے ہیں، ہماری امید تھی کہ آصف زرداری ہمیں بھی سنیں گے۔

حکومت کے ہاتھ پاؤں بندھے ہوئے ہیں تو آج ہی ہمیں بتائیں، حکومت بعد میں کہے کہ ہاتھ پاؤں بندھے تھے تو ہم نہیں مانیں گے، ہم نے پریس فریڈم موومنٹ شروع کردی ہے۔

افضل بٹ نے کہا کہ آج سپریم کورٹ بار، انسانی حقوق تنظیموں سے ملاقاتیں ہوئی ہیں، ہم رابطے کرکے اپنی تحریک کو پھیلانے کی کوشش کررہے ہیں، یقین ہے تمام پارٹی ورکرز بھی ہمارےساتھ ہوں گے۔

انھوں نے کہا کہ کالے قانون کے ذریعے پاکستان کے عوام کو گونگا بہرا رکھنے کی کوشش ہے، متنازع پیکا ایکٹ کے ذریعے عام آدمی کا حق چھینا جا رہے۔

صدرپی ایف یوجے کا کہنا تھا کہ کل پاکستان کے تمام پریس کلبز پر سیاہ پرچم لہرائے جائیں گے، اپیل کرتا ہوں اپنے اپنے شہر میں یوم سیاہ کی تقریب میں شریک ہوں۔

پشاور: بیرسٹرسیف نے کہا ہے کہ کےپی حکومت افغانستان سے مذاکرات کیلئے ٹی او آرز وفاقی حکومت کو منظوری کیلئے بھیجےگی۔

بیرسٹر ڈاکٹر سیف کا افغانستان سے مذاکرات سےمتعلق بیان سامنے آیا ہے جس میں ان کا کہنا تھا کہ کےپی حکومت مذاکرات کیلئے ٹی او آرز وفاقی حکومت کو منظوری کیلئے بھیجےگی، وفاقی حکومت کی منظوری کے بعد وفد افغانستان روانہ کیا جائےگا۔

انھوں نے کہا کہ وفد میں قبائلی عمائدین، مذہبی اور سیاسی رہنما شامل ہوں گے، وفد بھیجنے کا مقصد خیبر پختونخوا میں امن وامان قائم کرنا ہے۔

بیرسٹر سیف نے کہا کہ مذاکرات دونوں اطراف کے قبائلی اقوام کے درمیان ہونگے، خوارج سے کوئی مذاکرات نہیں ہونگے۔

انھوں نے کہا کہ افغانستان کی صورتحال کا اثر خیبر پختونخوا اور قبائلی اضلاع پر پڑتا ہے، افغانستان کے ساتھ 2 ہزار 650 کلومیٹر طویل سرحد ہے، سرحد کے دونوں جانب پختون قبائل آباد ہیں، قبائلی اضلاع میں امن و امان کا مسئلہ درپیش ہے۔

بیرسٹر سیف نے کہا کہ امن وامان کا مسئلہ حل کرنا خیبر پختونخوا حکومت کی ذمہ داری ہے، کےپی حکومت کو سفارتی تعلقات اور قانونی پیچیدگیوں کا بخوبی ادراک ہے۔