چیمپئنز ٹرافی کا آغاز 19 فروری سے ہو رہا ہے اس سے قبل کپتانوں کی مشترکہ پریس کانفرنس اور فوٹو شوٹ ہونا تھا جو منسوخ کر دیا گیا ہے۔

چیمپئنز ٹرافی 19 فروری سے پاکستان میں شروع ہو رہی ہے اور یہ پاک سر زمین پر 29 سال کے طویل عرصہ بعد آئی سی سی ایونٹ کا انعقاد ہے۔ پاکستان میزبان ہونے کے ساتھ اس ٹورنامنٹ کا دفاعی چیمپئن بھی ہے۔

میگا ایونٹ میں غیر ملکی ٹیموں میں سے بعض کے پاکستان آنے میں تاخیر کے باعث آئی سی سی ایونٹ سے قبل ہونے والے کپتانوں کی روایتی مشترکہ پریس کانفرنس اور فوٹو شوٹ منسوخ کر دیا گیا ہے۔

چیمپئنز ٹرافی کا افتتاحی میچ پاکستان اور نیوزی لینڈ کے درمیان 19 فروری کو کھیلا جائے گا جب کہ اسی روز آسٹریلیا کی ٹیم پاکستان پہنچے گی۔ انگلینڈ کی ٹیم نے بھی 18 فروری کو آنا ہے۔

ان دو ٹیموں کے تاخیر سے پہنچنے کے باعث ٹیموں کے کپتانوں کا فوٹو شوٹ اور مشترکہ پریس کانفرنس منسوخ کی گئی ہے۔

واضح رہے کہ پاکستان کرکٹ بورڈ نے چیمپئنز ٹرافی کے آغاز سے قبل میگا ایونٹ کی افتتاحی تقریبات کا شیڈول مرتب کر لیا ہے۔

چیمپئنز ٹرافی: پی سی بی نے افتتاحی تقریبات کا شیڈول تیار کر لیا

پاکستان کرکٹ بورڈ نے آئی سی سی چیمپئنز ٹرافی کی افتتاحی تقریبات کا شیڈول تیار کر لیا ہے اور چیئرمین نے ان کی حتمی منظوری بھی دے دی ہے۔

چیمپئنز ٹرافی 19 فروری سے پاکستان میں شروع ہو رہی ہے اور یہ پاک سر زمین پر 29 سال کے طویل عرصہ بعد آئی سی سی ایونٹ کا انعقاد ہے۔ پاکستان میزبان ہونے کے ساتھ اس ٹورنامنٹ کا دفاعی چیمپئن بھی ہے۔

پاکستان کرکٹ بورڈ نے چیمپئنز ٹرافی کے لیے اپنے تینوں اسٹیڈیم نیشنل اسٹیڈیم کراچی، قذافی اسٹیڈیم لاہور اور پنڈی کرکٹ اسٹیڈیم کی تعمیر نو اور تزئین وآرائش کا کام بھی تقریباً مکمل کر لیا ہے۔

پاکستان کرکٹ بورڈ نے چیمپینز ٹرافی کی افتتاحی تقریبات کا شیڈول تیار کر لیا اور ذرائع نے بتایا ہے چیئرمین محسن نقوی نے تمام تقریبات کی حتمی منظوری دے دی ہے۔ تقریب میں وزیراعظم شہباز شریف اور صدر آصف علی ذرداری متوقع مہمان خصوصی ہوں گے۔

ذرائع کے مطابق چیمپینزٹرافی کی مرکزی افتتاحی تقریب 16 فروری کو حصوزی باغ میں منعقد ہو گی۔ اس تقریب میں نامور ملکی شخصیات سمیت آئی سی سی آفیشلز بھی شرکت کریں گے۔

ذرائع نے بتایا کہ 7 فروری کو قذافی اسٹیڈیم کی افتتاحی تقریب منعقد ہوگی۔ اس تقریب کے متوقع مہمان خصوصی وزیراعظم شہباز شریف ہوں گے۔

نیشنل اسٹیڈیم کراچی کی افتتاحی تقریب 11 فروری کو ہوگی اور صدر مملکت آصف علی زرداری اس کے متوقع مہمان خصوصی ہوں گے۔

چیمپئنز ٹرافی کیلیے پاکستانی اسکواڈ کا اعلان ۔۔۔۔۔؟ اہم خبر آ گئی