صحافتی آزادیوں کو جکڑنے والے پیکا ایکٹ ترمیمی آرڈیننس پر پی پی رہنما نے صحافیوں سے اظہار یکجہتی کرتے ہوئے دبنگ موقف دیا ہے۔

پاکستان پیپلز پارٹی کی رکن قومی اسمبلی شرمیلا فاروقی نے اے آر وائی نیوز کے پروگرام باخبر سویرا میں گفتگو کرتے ہوئے کہا ہے کہ پیکا ایکٹ میں ترمیم پر میڈیا ہاؤسز اور صحافی برادری سے مشاورت نہیں کی گئی۔ پیکا ترامیم کیخلاف صحافی برادری کے تحفظات ہیں، جو ایک حد تک بجا بھی ہیں۔ حکومت کو چاہیے تھا کہ اس معاملے پر تمام اسٹیک ہولڈرز کو آن بورڈ لیتی اور مشاورت سے ترمیم لاتی۔

پی پی ایم این اے نے کہا کہ وفاقی حکومت ہم سے کسی طرح کی مشاورت نہیں کرتی۔ جب کمیٹی میں کوئی قانون لایا جاتا ہے، تو کہا جاتا ہے کہ بس پاس کردیں۔

ایسا اگر کوئی قانون بن جاتا ہے تو وہ حرف آخر نہیں ہوتا۔ اس معاملے پر ہم صحافی برادری کے ساتھ ہیں۔ یہ ترامیم حرفِ آخر نہیں، اگر حکومت تصحیح نہیں کرے گی تو پھر پیپلز پارٹی کرے گی۔

شرمیلا فاروقی نے کہا کہ اس میں کوئی دو رائے نہیں کہ سوشل میڈیا پر فیک نیوز بھی چلتی ہے۔ صدر کو کسی چیز پر قانونی طور پر تحفظات ہیں، تو وہ اعتراض لگا کر واپس بھیج دیتے ہیں۔

واضح رہے کہ گزشتہ روز سینیٹ نے متنازع پیکا ترمیمی ایکٹ کثرت رائے سے منظور کر لیا تھا۔

پیپلز پارٹی نے پیکا ایکٹ کی حمایت کا فیصلہ کر لیا، ذرائع

پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری دورہ امریکا کے لیے براستہ دبئی روانہ ہو گئے ہیں۔

اے آر وائی نیوز کے مطابق پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری امریکا کے دورے کے لیے آج براستہ دبئی روانہ ہو گئے ہیں۔

بلاول بھٹو زرداری دبئی میں کچھ دیر قیام کے بعد وہاں سے امریکا روانہ ہوں گے۔ ان کے ہمراہ ذاتی سیکیورٹی عملہ بھی گیا ہے۔

چیئرمین پیپلز پارٹی دورہ امریکا کے دوران صدر ٹرمپ کے خصوصی ناشتہ میں شرکت کریں گے۔ اس کے علاوہ وہ آکسفورڈ یونین بھی جائیں گے جہاں وہ طلبہ سے خطاب کریں گے۔

دورہ امریکا مکمل ہونے کے بعد بلاول بھٹو جرمنی جائیں گے، جہاں وہ میونخ میں ہونے والی کانفرنس میں شرکت کریں گے۔

بلاول بھٹو کی امریکا روانگی اچانک ملتوی، ایئرپورٹ سے واپس

سینیٹر کامران مرتضیٰ نے کہا ہے کہ فضل الرحمان نے رات صدر زرداری سے رابطہ کر کے انہیں پیکا ایکٹ پر کردار ادا کرنے کا کہا ہے۔

جمعیت علمائے اسلام کے سینیٹر کامران مرتضیٰ نے اے آر وائی نیوز کے مارننگ شو باخبر سویرا میں گفتگو کرتے ہوئے دعویٰ کیا ہے کہ پارٹی سربراہ مولانا فضل الرحمان نے رات صدر زرداری سے رابطہ کیا اور انہیں پیکا ایکٹ پر کردار ادا کرنے کا کہا۔

سینیٹر کامران مرتضیٰ نے گزشتہ شب تحریک انصاف کے رہنماؤں سے ملاقات پر کہا کہ ہمارے پاس جو آتا ہے، ہم اس کو خوش آمدید کہتے ہیں۔ پی ٹی آئی کا وفد ہمیں مذاکرات پر اعتماد میں لینا چاہتا تھا۔ مولانا فضل الرحمان نے وفد کی تمام باتیں سنیں۔ اس ملاقات میں دستور کی پامالی پر مل کر حکمت عملی بنانے پر بھی بات ہوئی۔

ان کا کہنا تھا کہ ہاٹ لائن قائم کی ہے۔ اسد قیصر اور میں رابطے میں ہوں گے۔ الیکشن کمیشن میں نامزدگیوں پر پی ٹی آئی اور ہم سوچ بچارکریں گے۔

جے یو آئی سینیٹر نے کہا کہ اصل مسئلہ الیکشن کمیشن کا نہیں بلکہ ان طاقتور حلقوں کا ہے جو معاملات ہاتھ میں لیتے ہیں۔ ان طاقتور حلقوں کے ہاتھوں سیاستدان بھی استعمال ہو جاتے ہیں۔

کامران مرتضیٰ نے مزید کہا کہ میرا کام تلخیوں کو مٹانا ہے  اور میں اپنے قائد مولانا فضل الرحمان کی مرضی کے بغیر ایک لفظ بھی آگے نہیں بولتا۔

واضح رہے کہ پیکا ایکٹ ترامیم، جس پر ملک بھر کی صحافتی برادری سراپا احتجاج ہے۔ گزشتہ روز یہ متنازع ترمیمی بل صدر زرداری کو توثیق کے لیے بھیجا گیا ہے۔

متنازع پیکا ترمیمی بل صدر مملکت کو ارسال