ہفتہ, جون 28, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 1540

پاکستان نے غزہ میں ’’اونروا‘‘ کے امدادی آپریشن کی بندش کی مخالفت کردی

کی طرف
ویب ڈیسک
-
0
منیر اکرم جعفر ایکسپریس حملے

نیویارک : پاکستان نے اقوامِ متحدہ میں غزہ میں’’اونروا‘‘ کے امدادی آپریشن کی بندش کی مخالفت کردی، منیر اکرم نے کہا اسرائیل کو انروا سمیت کسی تنظیم کا دفتر بند کرنے کا حق نہیں۔

تفصیلات کے مطابق اقوامِ متحدہ میں پاکستان کے مستقل مندوب منیر اکرم نے کہا اسرائیل کو انروا سمیت کسی تنظیم کا دفتر بند کرنے کا حق نہیں۔ غزہ میں فلسطینی پناہ گزینوں کے ادارے کو بند کرنے سے جنگ بندی کو خطرہ ہوسکتا ہے۔

انھوں نے بتایا کہ یو این کی ریلیف اور ورکس ایجنسی کے خاتمے کی اجازت جنگ بندی خطرے میں ڈالنا ہوگا، ایسا کوئی بھی اقدام غزہ کی بحالی اور سیاسی منتقلی کے ہر امکان کو ختم کر دے گا۔

پاکستانی مندوب نے’’اونروا‘‘کولاکھوں فلسطینی مہاجرین کیلئے امید کی کرن قرار دیتے ہوئے کہا کہ اونروا کا کردار جنگ بندی کے نفاذ ، انسانی امداد کی فراہمی اور غزہ کی تعمیر نو کیلئے اہم ہے۔

ان کا کہنا تھا کہ اسرائیل اونروا کو نشانہ بنا کر فلسطینی عوام کوانسانی امداد فراہمی کےڈھانچےکوختم کرناچاہتاہے،یہ فلسطینی عوام کی شناخت،ان کےحقوق مٹانے اور امن کی جدوجہد کمزور کرنیکی کوشش ہے۔

منیراکرم نے کہا کہ خطرہ ہے 48 گھنٹے میں کنیسٹ کے 28 اکتوبر 2024 کے منظور شدہ اسرائیلی قانون پر عمل ہوگا، اسرائیلی قانون یواین چارٹر،بین الاقوامی قانون،عالمی عدالت انصاف کی رائے کی خلاف ورزی ہے۔

ان کا مزید کہنا تھا کہ اسرائیل کو بطور قابض طاقت اقوام متحدہ کی فراہم سہولت کو بند کرنے کا کوئی حق نہیں، اسرائیل کے مسلسل اقدامات عالمی برادری کی توہین ہیں، جنرل اسمبلی کی قراردادوں میں اونروا کے مینڈیٹ کی تجدید میں تصدیق کی گئی ہے۔

پاکستانی مندوب نے کہا کہ پاکستان غزہ میں جنگ بندی معاہدے کا خیرمقدم کرتا ہے، غزہ جنگ بندی معاہدے کے تمام مراحل پر مکمل عملدرآمد کرایا جائے، غزہ میں جنگ بندی کیلئے قطر اور مصر کی کوششیں قابل تحسین ہیں۔

منیر اکرم کا کہنا تھا کہ غزہ میں جنگ بندی اور اسرائیلی فوج کا مکمل انخلا ہونا چاہیے، غزہ کے مظلوم اور بے گھرعوام کو فوری انسانی امداد فراہم کی جائے، پاکستان اونروا مشن کیلئے اپنی غیرمتزلزل حمایت کا اعادہ کرتا ہے۔

ملازمین کی پنشن کے حوالے سے اہم خبر

کی طرف
اصغر عمر
-
0
ملازمین کی پنشن

کراچی : سندھ ہائیکورٹ کے آئینی بینچ نے ملازمین کی پنشن کا فیصلہ سنا دیا ، جس میں کہا ملازمین کی پنشن کی ادائیگی متعلقہ ٹاوٴن کی ہی ذمہ داری ہے۔

تفصیلات کے مطابق سندھ ہائیکورٹ کے آئینی بینچ میں بلدیاتی اداروں کے ملازمین کی پنشن کے معاملے پر سماعت ہوئی۔

بیرسٹر اسد وکیل کے ایم سی نے کہا کہ حکومت سندھ ماہانہ ایک بڑی رقم ٹاوٴنز کو جاری کرتی ہے، جس پر شعاع النبی ایڈووکیٹ نے کہا کہ محمد سعید نے 41سال کے ایم سی میں ملازمت کی کے ایم سی سے تبادلہ بلدیہ ٹاوٴن کردیا گیا، اب پنشن کیلیے دونوں اداروں کے دفاتر کے چکر لگایا ہے۔

عدالت کے طلب کرنے پر میونسپل کمشنر بلدیہ ٹاوٴن عدالت میں پیش ہوئے ، میونسپل کمشنر کے کیس سے لاعلمی پر عدالت نے برہمی کا اظہار کرتے ہوئے کہا کہ کیا آپ سفارش پر بھرتی ہوئے ہیں ،کیوں نا آپ کو جیل بھیج دیا جائے۔

عدالت نے 4فروری کو درخواست گزار کی ادائیگی کے لیے چیک کے ساتھ پیش ہونے کی ہدایت کرتے ہوئے سماعت 4فروری کے لیے ملتوی کرد

سندھ ہائی کورٹ نے بلدیاتی اداروں کے ملازمین کی پنشن کا فیصلہ سنا دیا اور کہا ملازمین کی پنشن کی ادائیگی متعلقہ ٹاؤن کی ہی ذمہ داری ہے۔

آئی جی خیبرپختونخوا اختر حیات گنڈا پور کو عہدے سے ہٹا دیا گیا

کی طرف
ویب ڈیسک
-
0
اختر حیات گنڈاپور

اسلام آباد : آئی جی خیبرپختونخوا اختر حیات کوعہدےسے ہٹاتے ہوئے پولیس سروس گریڈ21 کے ذوالفقار حمید کونیا آئی جی کے پی تعینات کردیا گیا۔

تفصیلات کے مطابق آئی جی خیبرپختونخو اختر حیات گنڈاپور کو عہدے سے ہٹا دیا گیا اور اس حوالے سے نوٹیفکیشن بھی جاری کردیا۔

نوٹیفکیشن میں بتایا گیا کہ اختر حیات کو اسٹیبلشمنٹ ڈویژن رپورٹ کرنےکی ہدایت کی گئی ہے۔

اخترحیات کی جگہ پولیس سروس گریڈ اکیس کے ذوالفقار حمید کو نیا آئی جی کے پی تعینات کردیا گیا، ذوالفقار حمید اس سےپہلے پنجاب میں خدمات سر انجام دے رہے تھے۔

اس سے قبل ڈی جی ایف آئی اے احمداسحاق جہانگیر کو عہدے سے ہٹادیا گیا تھا، وزیراعظم شہباز شریف نے ڈی جی ایف آئی اے کو عہدے سے ہٹانے کی منظوری دی تھی اور انہیں اسٹیبلشمنٹ ڈویژن میں او ایس ڈی تعینات کردیا گیا تھا۔

احمد اسحاق جہانگیر پولیس سروس گریڈ اکیس کے افسر ہیں تاہم اسٹیبلشمنٹ ڈویژن نے نئے ڈی جی ایف آئی اے کیلئےافسران کی شارٹ لسٹنگ شروع کردی۔۔

اگر مراد علی شاہ تبدیل ہوئے تو۔۔۔۔؟ منظور وسان نے اگلے وزیراعلیٰ سندھ کا نام بتا دیا

کی طرف
ویب ڈیسک
-
0
اگر مراد علی شاہ تبدیل ہوئے تو۔۔۔۔؟ منظور وسان نے اگلے وزیراعلیٰ سندھ کا نام بتا دیا

خیرپور: پاکستان پیپلز پارٹی کے رہنما منظور وسان نے اگلے وزیراعلیٰ سندھ کا نام بتا دیا۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے میڈیا سےگفتگو میںکہا کہ ہمارا وزير اعلیٰ لے لو اپنا دے دو یہ بیان آتے رہتے ہیں، اگر وزیر اعلیٰ سندھ تبدیل ہوئے تو فریال تالپور وزیراعلیٰ ہونگی۔

پیپلزپارٹی کے رہنما کا کہنا تھا کہ 2025 اہم ہے کچھ بھی ہوسکتا ہے، یہ سال الیکشن کے حوالے سے بھی اہم ہے، پاکستان 2025 میں تبدیل ہوتے ہوئے نظر آرہا ہے۔

منظور وسان کا کہنا تھا کہ پاکستان کو کسی فنڈز کی ضرورت ہی نہیں، بانی پی ٹی آئی کا عروج 2024 کے ساتھ ختم ہوگیا ہے، یہ سال بانی پی ٹی آئی عمران خان کے لیے بھاری ہے۔

منظور وسان نے مزید کہا کہ 31 جنوری تک بانی پی ٹی آئی مذاکرات بڑھاتے رہیں گے، چاہے احتجاج کی جتنی کالیں دیں کوئی فرق نہیں پڑتا، 2025 میں پی ٹی آئی میں اختلافات بڑہ جائیں گے۔

وائرل ویڈیو: سعودی شہری’’ پتیلے اور دیگچے‘‘ لے کر سینما کیوں پہنچے؟ وجہ انتہائی دلچسپ

کی طرف
ویب ڈیسک
-
0

سعودی عرب میں فلم دیکھنے کیلیے آنے والے مرد وخٓواتین شہریوں کو سینما گھر میں بڑے پتیلے لاتے دیکھا گیا جس کی دلچسپ وجہ سامنے آ گئی۔

سعودی ولی عہد کے ویژن 2030 کے تحت مملکت میں ثقافی سرگرمیاں شروع ہونے کے بعد سینما انڈسٹری بھی فروغ پا رہی ہے اور دارالحکومت ریاض سمیت مختلف شہروں میں سینما گھر قائم اور ان میں ملکی اور بین الاقوامی فلمیں ریلیز ہو رہی ہیں۔

گزشتہ دنوں ایک سینما گھر میں شائقین فلم دیکھنے کے لیے پہنچے تو ان کے ہاتھوں میں بڑے بڑے پتیلے، دیگچے بھی تھے۔ یہ ویڈیوز جیسے ہی سوشل میڈیا پلیٹ فارمز پر آئیں، دیکھتے ہی دیکھتے وائرل ہوگئی۔

ان ویڈیو میں دیکھا جا سکتا ہے کہ شہری جن میں ہر عمر کے مرد وخواتین شامل تھے، وہ سینما گھر میں اپنے ساتھ بڑے سائز کے پتیلے، دیگچے لے کر آئے ہیں۔ اب اس کی دلچسپ وجہ بھی سامنے آ گئی ہے۔

غیر ملکی میڈیا کے مطابق پاپ کارن کی ایک برانڈ نے گاہکوں کو متوجہ کرنے کے لیے 30 سعودی ریال میں لاتعداد پاپ کارن دینے کی آفر کی تھی۔

اس پیشکش کا اعلان ہونا تھا کہ مختلف علاقوں سے لوگ دارالحکومت ریاض میں واقع ووک سینما بڑے سائز کے پتیلے، دیگچے حتیٰ کہ کچھ لوگ تو کین لے کر سینما گھر کے باہر پہنچ گئے تاکہ وہ 30 ریال میں زیادہ سے زیادہ پاپ کارن حاصل کر سکیں۔

 

اس منفرد واقعے کی کئی ویڈیوز سوشل میڈیا پر وائرل ہوگئیں، جن میں لوگ بڑے بڑے برتن اٹھائے سینما میں داخل ہوتے اور اس آفر سے صرف 30 ریال میں لاتعداد پاپ کارن ساتھ لے کر جاتے ہوئے دکھائی دے رہے ہیں۔

 

سوشل میڈیا صارفین نے بھی ان ویڈیوز پر دلچسپ تبصرے کیے۔ کسی نے کہا، ’کچھ لوگ سمجھتے ہیں کہ آج کل کے عرب لوگ بے وقوف ہیں‘ جبکہ ایک اور صارف نے تبصرہ کیا، ’یہ تو پاکستان سے بھی چار ہاتھ آگے نکل گئے‘۔

ایک اور صارف نے حیرت کا اظہار کرتے ہوئے لکھا کہ انہیں یقین نہیں آرہا کہ سعودی عرب میں بھی ایسے لوگ ہیں۔

موت سے بچنا کوئی فتح نہیں، فلسطینی نرس نے دل کھول کر رکھ دیا

کی طرف
ویب ڈیسک
-
0
غزہ

غزہ میں فتح و شکست کے حوالے سے غزہ میں مقیم ایک نرس اور مصنفہ حدیل عواد نے اپنا دل کھول کر دنیا کے سامنے رکھ دیا ہے۔

الجزیرہ کے مطابق حدیل عواد نے لکھا ’’آخر کار جنگ بندی ہو گئی، 15 ماہ کی مسلسل نسل کشی کی جنگ کے بعد، ہم آخر کار راحت کی سانس لینے کے قابل ہو گئے ہیں۔ ہم میں سے بہت سے لوگ اپنے گھروں کو لوٹنے کے قابل بھی ہوئے ہیں لیکن ان میں سے کیا بچا ہے۔‘‘

انھوں نے لکھا ’’ایسے وقت جب ہم بموں سے محفوظ وقت سے لطف اندوز ہو رہے ہیں، دنیا اس بارے میں ایک شدید بحث میں مصروف دکھائی دیتی ہے کہ کون جیتا ہے۔ کیا اسرائیل فاتح ہے؟ یا وہ حماس ہے جو اپنی فتح کا اعلان کر سکتی ہے؟ یا بہادر فلسطینی عوام فاتح ہیں؟‘‘

حدیل عواد نے کہا ’’میں ایک نرس ہوں، کوئی ماہر جنگ نہیں، اس لیے میرے پاس اس کا کوئی جواب نہیں ہے، لیکن میں آپ کو بتاتی چلوں کہ دنیا کو اس دھوکے میں نہیں آنا چاہیے کہ ہم بچ گئے، غزہ میں زندہ رہنا بہادری کے مترادف نہیں ہے، موت سے بچنا کوئی فتح نہیں ہے، ہم بہ مشکل ہی موت سے بچے ہیں لیکن دسیوں ہزار فلسطینی نہیں بچ سکے۔‘‘

اسرائیل نے انروا کو 48 گھنٹوں کا وقت دے دیا، امریکا نے پابندی کی حمایت کر دی

انھوں نے لکھا ’’نسل کشی کی جنگ نے وقت کو ایک دائرے میں بند کر دیا ہے، نہ کوئی ابتدا ہے نہ انتہا، نہ کوئی منزل جس کی طرف ہم بڑھ رہے تھے، ہم صرف ایک دائرے میں چلتے رہے، ہر روز، آغاز کی طرف لوٹتے۔‘‘

حدیل عواد نے بتایا ’’ہر روز، ہر خاندان کو پینے اور دھونے کے پانی، کھانے اور آگ لگانے کے لیے کچھ چیزوں کی تلاش میں نکلنا پڑتا تھا، یہ بالکل بنیادی چیزیں ہیں، اگر یہ ملتے بھی تو ان سب کو حاصل کرنے میں گھنٹوں لگ جاتے تھے، روٹی جیسے بنیادی حق کی تلاش ایک بڑی جدوجہد بن گئی تھی، لوگوں کے پاس پیسے ختم ہو گئے تھے، اور امدادی تنظیموں کے پاس راشن ختم ہو گیا تھا۔‘‘ عواد نے دل دہلا دینے والے بات بتائی کہ ’’یہاں تک کہ وہ آٹا جس میں کیڑے پڑ گئے تھے، اور ایکسپائر ڈبہ بند کھانا بھی عیش و آرام کی چیز بن گیا تھا۔‘‘

ان کا کہنا تھا کہ اس تکلیف دہ دائرے کو صرف موت توڑتا تھا، جب لوگ اپنے پیاروں کو دفنانے اور ان کا غم منانے کے لیے معمول کو توڑ دیتے تھے۔ بیرونی دنیا نے اسرائیلی فوج کے ہاتھوں فلسطینی بچوں، عورتوں اور مردوں کی پرتشدد ہلاکتوں کی بہت سی تصاویر اور ویڈیوز دیکھے، لیکن انھوں نے مستقل بیمار یا قابل علاج بیماریوں سے متاثرہ افراد کی خاموش، دردناک موت کو نہیں دیکھا۔

عواد نے کہا ’’ہمارے ہاں انفیکشن والے لوگ اینٹی بائیوٹک کی عدم موجودگی کی وجہ سے مر جاتے تھے، ہمارے ہاں گردے کے مسائل والے لوگ مر جاتے تھے، کیوں کہ ڈائیلاسز کبھی کبھی ہی دستیاب ہوتا تھا، ان اموات کو سرکاری طور پر نسل کشی سے مرنے والوں کی تعداد میں شامل نہیں کیا گیا، ان میں سے بہت سی اموات کو روکا جا سکتا تھا۔

انھوں نے لکھا کہ کیمپوں کی گلیوں میں آپ کو جگہ جگہ کوئی غم زدہ زندہ بچ جانے والے، روتے یا خاموش بیٹھے ملیں گے، یہ موت سے تو بچ گئے لیکن یہ وقت کے دائرے میں قید ہو چکے ہیں۔ اتنے مہینوں کے اجتماعی نقصان، جبر اور تڑپ کے بعد ایسا محسوس ہوتا ہے کہ موت سے فرار کے لیے دل میں مزید گنجائش نہیں رہی ہے۔

حدیل عواد نے یہ دردناک بات بھی لکھی کہ ’’میں بھی دوسرے بہت سے فلسطینیوں کی طرح خوفناک حد تک پرسکون اور بے حس ہو گئی ہوں، ہمارے کچھ خواب تھے، کبھی ہنستے گاتے تھے لیکن اب ہم خود کو بھی نہیں پہچان پا رہے، ہم ہم نہیں رہے، ہم جیسے تھے ویسے نہیں رہے۔‘‘

تاہم انھوں نے امید کا بھی اظہار کیا اور لکھا کہ بے شک، ہم اب ہم نہیں ہیں، لیکن ہم مردہ بھی نہیں ہیں، ہمارا یہ نیا ورژن جدوجہد کو جاری رکھنے، اور مزید جینے کے لیے بنایا گیا ہے۔

جنوبی لبنان پر اسرائیل کا حملہ

کی طرف
ویب ڈیسک
-
0

اسرائیل کی جانب سے جنوبی لبنان کے علاقے میں کئے گئے حملے کے نتیجے میں 24 افراد زخمی ہوگئے۔

غیر ملکی ذرائع ابلاغ کے مطابق اسرائیل کی جانب سے یہ حملہ لبنان میں چھ ہفتوں سے جاری جنگ بندی کے باوجود کیا گیا ہے۔

لبنان کی وزارت صحت کا اس حوالے سے کہنا ہے کہ جنوبی لبنان پر دو فضائی حملوں کے نتیجے میں 24 افراد شدید زخمی ہوگئے، جن میں سے بعض کی حالت نازک ہے۔

وزارت صحت کے ترجمان کے مطابق اسرائیلی دشمن کی جانب سے نباتہہ میں حملے کے سبب 20 زخمی ہوئے زوطر پر ایک دوسرے حملے میں 4 افراد زخمی ہوئے۔‘

واضح رہے کہ لبنان سے اسرائیلی فوج کے انخلا کی 60 روزہ ڈیڈلائن ختم ہونے کے آخری دن اتوار کو اسرائیلی فوج نے لبنان کے جنوبی علاقے میں مظاہرین پر فائرنگ کرکے از کم 22 لبنانیوں کو شہید کردیا تھا، جبکہ 40 سے زائد شدید زخمی ہوگئے تھے۔

رپورٹس کے مطابق مظاہرین اسرائیل اور لبنان کے درمیان جنگ بندی کے 60 روز بعد بھی جنوبی سرحدی قصبوں سے اسرائیلی فورسز کے انخلاء میں ناکامی کے خلاف اپنا احتجاج ریکارڈ کرارہے تھے۔

ایک روز قبل اپنے گھروں کو واپس جانے کے خواہش مند مظاہرین نے سڑک پر اسرائیلی فورسز کی جانب سے کھڑی کی گئی رکاوٹیں عبور کرنے کی کوشش کی تھی تو اسرائیلی فورسز نے ان پر گولیاں برسا دی تھیں۔

اسرائیل نے انروا کو 48 گھنٹوں کا وقت دے دیا، امریکا نے پابندی کی حمایت کر دی

مظاہرین کی جانب سے ڈیڈلائن گزر جانے کے باوجود اسرائیلی فوج کے انخلاء میں ناکامی کے خلاف احتجاج کیا جارہا تھا، انخلا کی ڈیڈ لائن 26 جنوری اتوار کی صبح ساڑھے چار بجے ختم ہو گئی تھی۔

پی ٹی آئی کا 8 فروری کو مینارِ پاکستان پر جلسہ کرنے کا اعلان

کی طرف
ویب ڈیسک
-
0
پی ٹی آئی مینار پاکستان

لاہور: پاکستان تحریک انصاف ( پی ٹی آئی )نے 8 فروری کو مینار پاکستان پر جلسہ کرنے کا فیصلہ کرلیا اور ڈپٹی کمشنر کو درخواست دے دی۔

تفصیلات مطابق پاکستان تحریک انصاف ( پی ٹی آئی ) نے 8 فروری کو مینار پاکستان پر جلسہ کرنے کا فیصلہ کرلیا اور لاہور میں جلسے کیلئے ڈپٹی کمشنر کو درخواست دے دی۔

درخواست عالیہ حمزہ اورملک احمدبھچراوراعجاز بٹر کی جانب سے جمع کرائی گئی، درخواست میں مینار پاکستان پر جلسہ کرنے کی اجازت مانگی گئی ہے۔

درخواست میں کہنا ہے کہ پی ٹی آئی پرامن طریقے سے 8 فروری کو مینار پاکستان پر جلسہ کرنا چاہتی ہے، پی ٹی آئی کو آئین کے آرٹیکل 16 کے تحت جلسہ کرنے کی اجازت دی جائے۔

مزید پڑھیں : بانی پی ٹی آئی کا 8 فروری کو یوم سیاہ منانے کا اعلان

ذرائع کا کہنا ہے کہ جلسے کی اجازت نہ ملنے کی صورت میں ملک گیر احتجاج ہوں گے۔

یاد رہے پاکستان تحریک انصاف (پی ٹی آئی) کے بانی نے 8 فروری کو یوم سیاہ منانے کا اعلان کر رکھا ہے اور اراکین قومی و صوبائی اسمبلی کو اپنے اپنے علاقوں میں احتجاج کی ہدایت کی ہے۔

ڈی جی ایف آئی اے احمد اسحاق جہانگیر کو عہدے سے ہٹا دیا گیا

کی طرف
ویب ڈیسک
-
0
ڈی جی ایف آئی اے

اسلام آباد : وفاقی تحقیقاتی ایجنسی (ایف آئی اے) کے ڈائریکٹر جنرل احمد اسحاق جہانگیر کو عہدے سے ہٹا دیا گیا اور اسٹیبلشمنٹ ڈویژن میں او ایس ڈی تعینات کردیا گیا۔

تفصیلات کے مطابق وفاقی تحقیقاتی ایجنسی (ایف آئی اے) کے ڈائریکٹر جنرل کو عہدے سے ہٹا دیا گیا، وزیراعظم شہباز شریف نے ان کو عہدے سے ہٹانے کی منظوری دے دی۔

احمد اسحاق کو اسٹیبلشمنٹ ڈویژن میں او ایس ڈی تعینات کردیا گیا، وہ پولیس سروس گریڈ 21 کے افسر ہیں۔

وزیراعظم شہباز شریف نے ہدایت کی ہے کہ نئے ڈی جی ایف آئی اے کی تعیناتی کے لیے پولیس سروس کے منجھے ہوئے افسر کو تعینات کو تعینات کیا جائے۔

جس کے بعد اسٹیبلشمنٹ ڈویژن نے نئے ڈی جی ایف آئی اے کے لیے افسران کی شارٹ لسٹنگ شروع کردی ہے۔

نئے (ایف آئی اے) کے ڈائریکٹر جنرل کیلئے گریڈ 21 کے دو افسران مضبوط امیدوار ہیں ، ذرائع کا کہنا ہے کہ سہیل حبیب تاجک اور اختر حیات گنڈاپور مضبوط امیدوارہیں،ذرائع

سہیل حبیب تاجک ایڈیشنل سیکرٹری داخلہ تعینات ہیں جبکہ اخترحیات کو آئی جی کے پی سےاسٹبلشمنٹ ڈویژن تعینات کیا گیا ہے۔

سعودی عرب: ادارہ امور حرمین نے اہم ہدایات جاری کردیں

کی طرف
ویب ڈیسک
-
0

سعودی عرب میں ادارہ امور حرمین شریفین نے بعض زائرین کی جانب سے خانہ کعبہ میں کیے جانے والے غلط امور کی نشاندہی کی ہے اور انہیں ایسا نہ کرنے کی ہدایت کی ہے۔

سعودی خبر رساں ادارے کی رپورٹ کے مطابق ادارہ امور حرمین کی جانب سے زائرین کی آگاہی کیلیے ہدایات جاری کی ہیں۔ جس میں کہا گیا ہے کہ ’مقام ابراہیم یا خانہ کعبہ کی دیواروں اور غلاف کو چھونا غیراسلامی اعمال ہیں جو سنت سے ثابت نہیں۔‘

ادارہ امور حرمین کے مطابق ’طواف کعبہ کے لیے جو جائز عمل ہے وہ حجر اسود اور رکن یمانی کی جانب ہاتھ بلند کرکے تکبیر کہنا یا اگر ممکن ہو تو حجر اسود کو چھونا یا بوسہ دینا ہے۔‘

دوسری جانب سعودی عرب میں غلافِ کعبہ پہلی بار مکہ مکرمہ سے باہر نمائش کیلئے پیش کیا گیا ہے جو کہ کنگ عبدالعزیز ایئر پورٹ پر 25 مئی تک جاری رہے گی۔

عرب میڈیا رپورٹ کے مطابق خانہ کعبہ کے غلاف کسوہ کو پہلی بار مکہ مکرمہ سے باہر نمائش کیلئے پیش کیا گیا، زائرین غلافِ کعبہ کی تیاری کے مراحل دیکھ سکیں گے۔

غلافِ کعبہ قرآنی آیات، اسماء حسنہ اور اسلامی طرز کی آرائش کے ساتھ اسلامی فنون کی اعلیٰ ترین تخلیق ہے۔

موسلا دھار بارش میں طوافِ کعبہ کے روح پرور مناظر کی ویڈیو

نایاب اسلامی فن پاروں کی عکاسی کرتی یہ بیمثال نمائش کنگ عبدالعزیز انٹر نیشنل ایئرپورٹ کے حج ٹرمینل پر 25 جنوری سے 25 مئی تک جاری رہے گی، زائرین غلافِ کعبہ”کسوہ“کی تیاری کے مراحل دیکھ سکیں گے۔

1...1,5391,5401,541...30,800صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025