پی سی بی نے پاکستان سپر لیگ سیزن 10 کے 2 میچ ری شیڈول کر دیے۔
پاکستان کرکٹ بورڈ کے مطابق یکم مئی کو ملتان میں شیڈول کراچی کنگز اور ملتان سلطانز کا مقابلہ اب لاہور میں ہو گا۔ میچ ری شیڈول ہونے سے قذافی اسٹیڈیم یکم مئی کو ڈبل ہیڈر کی میزبانی کرے گا۔
کراچی کنگز اور ملتان سلطانز کا مقابلہ سہ پہر 3 بجے ہو گا جب کہ لاہور قلندرز اور کوئٹہ گلیڈی ایٹرز کا مقابلہ رات 8 بجے ہو گا۔
10مئی کو کوئٹہ اور ملتان کا مقابلہ بھی ایک دن آگے بڑھا دیا گیا ہے۔ میچز ری شیڈول کا فیصلہ ہیٹ ویو کی وجہ سے کیا گیا ہے۔
اللہ تعالیٰ نے دنیا میں حیران کن عجائبات تخلیق کی ہیں ایسا ہی ایک چھوٹا جانور بھی ہے جس کا ٹرین اور ہاتھی بھی کچھ نہ بگاڑ سکتے۔
کسی بھی جاندار کے اوپر سے ٹرین گزر جائے یا ہاتھی اس کو کچل دے اس کا زندہ بچنا مشکل ہوتا ہے لیکن اللہ کی شان کہ ایک ایسا چھوٹا سا جانور بھی ہے جس کے اوپر سے ٹنوں وزنی ٹرین گزرے یا ہاتھی اس کو روند ڈالے، اس کا بال بیکا بھی نہیں ہو سکتا۔
یہ حیرت انگیز صلاحیت رکھنے والی مخلوق ایک چھوٹی سے مچھلی ہے جس کو ماریانس اسنیل فش کہا جاتا ہے اور یہ دنیا میں سب سے زیادہ دباؤ برداشت کرنے والی مچھلی ہے۔
حیران کن خوبیوں والی یہ مچھلی سمندر کی تہہ میں رہتی ہے جس کو ماریانا ٹرینچ کہا جاتا ہے۔ یہ سمندر میں 11 ہزار میٹر یا 36 ہزار فٹ گہرائی کہلاتی ہے۔ اس مقام پر پانی کا دباؤ ایک ہزار ہاتھیوں کے برابر ہوتا ہے۔
تاہم اس مچھلی کے جسم کا ڈھانچہ نرم، جیل جیسا ہوتا ہے جو دباؤ کو برابر پھیلا دیتا ہے اور اسی وجہ سے اسے کچھ بھی وزنی نہیں لگتا۔
بھارت کھیل کے میدان میں پاکستان کا سامنا کرنے کو تیار نہیں، مودی سرکاری کے زیراثر شعبہ کھیل نے ایک اور اوینٹ سے دستبرداری اختیار کر لی۔
بھارت نے سینٹرل ایشیاء والی بال چیمپئن شپ سے راہ فرار اختیار کر لی۔ چیمپئن شپ رواں سال 28 مئی سے اسلام آباد میں شیڈول ہے جس میں اب بھارتی ٹیم شرکت نہیں کرے گی۔
انڈین والی بال فیڈریشن کا کہنا ہے کہ بھارتی حکومت نے اجازت نامہ منسوخ کر دیا ہے اور اس حوالے سے پاکستان کو صورتحال سے آگاہ کردیا ہے۔
چیمپئن شپ میں ایران، قازقستان، ترکمنستان، ازبکستان، سری لنکا کی ٹیمیں شریک ہوں گی۔
ایران، کرغزستان، ترکمانستان اور ازبکستان کی ٹیمیں پہلے ہی اپنی شرکت کی تصدیق کر چکی ہیں جب کہ سری لنکا کی جانب سے بھی آنے والے دنوں میں اپنے داخلے کا اعلان متوقع ہے۔
ایک امید افزا پیشرفت میں، روسی والی بال ٹیم نے بین الاقوامی میچوں کی سیریز کے لیے جون میں پاکستان کے دورے کی تصدیق کر دی ہے۔
شادی میں باراتیوں کی جانب سے خوشی میں پیسے لٹائے جانا عام بات ہے تاہم ایک شخص پیسے لوٹنے کے دوران اپنی جان ہی گنوا بیٹھا۔
یہ افسوسناک واقعہ پنجاب کے علاقے وزیر آباد میں پیش آیا جہاں شادی میں باراتیوں کی جانب سے خوشی میں پیسے لٹائے جا رہے تھے اور بچوں کے ساتھ بڑے بھی یہ پیسے لوٹ رہے تھے۔
تاہم پیسے لوٹنے کے چکر میں ایک نوجوان اپنی جان سے ہاتھ دھو بیٹھا۔ ریسکیو حکام کا کہنا ہے کہ اس کی موت شادی ہال کے سیکیورٹی گارڈ کی فائرنگ سے ہوئی۔
عینی شاہدین کا کہنا ہے کہ نوجوان پیسے لوٹنے کے لیے ہال سے ملحقہ چھت پر چڑھ رہا تھا۔ سیکیورٹی گارڈز نے منع کیا، تاہم نوجوان کے نہ ماننے پر گارڈ نے فائرنگ کر دی جس کے نتیجے میں گولی لگنے سے وہ موقع پر ہی دم توڑ گیا۔
ریسکیو حکام کے مطابق جاں بحق نوجوان کی شناخت فرخ زیب کے نام سے ہوئی۔ لاش کو اسپتال منتقل کر دیا گیا۔
پولیس کا اس حوالے سے کہنا ہے کہ ملزم سیکیورٹی گارڈ کا نام عالم زیب ہے جو موقع سے فرار ہوگیا ہے تاہم اس کی تلاش جاری ہے۔
ناخلف اولاد کے والدین کے ساتھ ظلم کی انتہا کرتے ہوئے ایک سفاک بیٹے نے بوڑھے ماں باپ کو ٹریکٹر تلے کچل کر قتل کر ڈالا۔
یہ افسوسناک واقعہ بھارتی ریاست آندھرا پردیش میں پیش آیا جہاں ایک نا خلف بیٹے نے زرعی زمین ہتھیانے کے لیے اپنے بوڑھے ماں باپ کو دردناک طریقے سے قتل کر دیا۔
بھارتی میڈیا کے مطابق ندو پوری کللا گاؤں میں 55 سالہ اپل نائیڈو اور انکی اہلیہ جیا کو بیٹے راج شیکھر صرف زمین کی خاطر موت کی نیند سلا دیا۔
رپورٹ کے مطابق اپل نائیڈو کی ایک بیٹی رادھا کماری بھی ہے جس کی شادی کے وقت والد نے ایک ایکڑ زمین میں سے 8 گھنٹے زمین بیٹی کو دی تھی۔
پانچ سال قبل رادھا کماری شوہر کے انتقال کے بعد واپس والدین کے پاس آ کر رہنے لگی تھی۔ اس کے بعد بیٹا راج شیکھر اپنے والدین پر بقیہ زمین یا فروخت کرکے رقم اسے دینے کا مطالبہ کر رہا تھا۔
بیٹے کے مسلسل دباؤ سے تنگ آ کر بوڑھے والدین نے اپنی تمام زمین بیٹی رادھا کماری کے نام کر دی۔ ماں باپ کے اس فیصلے پر راج شیکھر آپے سے باہر ہو گیا اور زمین کو زبردستی بیچنے کے لیے اس پر ٹریکٹر چلانے پر لگا جب والدین سامنے آئے تو ان پر ٹریکٹر لے کر چڑھ دوڑا۔۔
والدین جان بچانے کے لیے قریب میں ایک مکئی کے کھیت میں بھاگے لیکن ناہنجار بیٹے نے ان کا پیچھا کر کے ٹریکٹر سے کچل ڈالا۔ دونوں موقع پر ہی دم توڑ گئے۔
میڈیا رپورٹ کے مطابق واقعہ کے بعد راج شیکھر نے اپنی بیوی کے ساتھ پولیس اسٹیشن پہنچ کر گرفتاری دے دی۔
بھارت میں طلبہ سے اربوں روپے کا فراڈ سامنے آ گیا ہے معروف کوچنگ ادارہ ڈھائی ارب روپے (پاکستانی تقریباً 8 ارب) لوٹنے کے بعد فرار ہوگیا۔
بھارتی میڈیا کے مطابق معروف کوچنگ ادارے فٹجی نے مختلف ریاستوں کے 15 ہزار طلبہ سے ایڈوانس فیس کی مد میں ڈھائی ارب روپے (پاکستانی کرنسی میں لگ بھگ 8 ارب روپے) وصول کرنے کے بعد اچانک تمام کوچنگ سینٹر بند کر دیے۔
رپورٹ کے مطابق اطلاع کے مطابق فٹجی کوچنگ کے مالکان نے مختلف ریاستوں کے 14411 طلبا و طالبات سے ایڈوانس فیس کے طور پر 250.02 کروڑ روپے وصول کیے اور پھر جنوری مہینہ میں بغیر کسی اطلاع کے اچانک اپنے کوچنگ سنٹر بند کر دیے تھے۔
اطلاع ملنے پر انفورسمنٹ ڈائرکٹوریٹ (ای ڈی) نے تحقیقات کیں تو انکشاف ہوا کہ ادارے نے طلبا سے تعلیمی سال 29-2028 تک کی ایڈوانس فیس جمع کی تھی جب کہ جاری بیچز بیچز کے طلبا و طالبات سے بھی تقریباً 206 کروڑ روپے وصول کیے گئے تھے۔
اس انکشاف کے بعد ای ڈی کی چھاپہ مار کارروائیوں میں دہلی میں کوچنگ کے مالک ڈی کے گوئل کی رہائشگاہ سمیت دیگر مقامات پر 10 لاکھ روپے نقد، 4.89 کروڑ روپے کے زیورات اور دیگر مشتبہ دستاویزات برآمد کی ہیں۔ ان میں کئی قابل اعتراض دستاویز اور ڈیجیٹل ڈیوائس بھی شامل ہیں۔
ان ہی کارروائیوں کے دوران یہ بھی انکشاف ہوا ہے کہ مذکورہ کوچنگ سینٹر کے مالکان نے اپنے ٹیچرز اور ملازمین کو بھی کئی ماہ سےتنخواہ ادا نہیں کی تھی۔
ای ڈی نے کوچنگ مالکان کے خلاف منی لانڈرنگ کا مقدمہ درج کے تحقیقات کا دائرہ وسیع کر دیا ہے۔
راولپنڈی: توشہ خانہ ٹو کیس کی کل اڈیالہ میں ہونے والی سماعت منسوخ کردی گئی، وکیل بانی پی ٹی آئی کو آگاہ کردیا گیا۔
تفصیلات کے مطابق بانی پی ٹی آئی اور بشریٰ بی بی کیخلاف کل اڈیالہ جیل میں سماعت مقررتھی، عدالتی عملہ کی جانب سے سماعت کی منسوخی سے متعلق وکیل بانی پی ٹی آئی خالد یوسف چوہدری کو آگاہ کردیا گیا ہے۔
وکیل خالد یوسف چوہدری نے کہا کہ اڈیالہ جیل میں کل کیس کی سماعت منسوخ کردی گئی ہے، توشہ خانہ ٹوکیس کی سماعت کل اڈیالہ جیل میں ہونا تھی۔
خالدیوسف نے کہا کہ توشہ خانہ ٹو کیس کی سماعت کل جوڈیشل کمپلیکس اسلام آباد میں ہوگی، توشہ خانہ ٹوکیس میں 17 فروری کو آخری بارجیل میں سماعت ہوئی تھی۔
بانی پی ٹی آئی کے وکیل نے بتایا ک سزا سنانے کے بعد مقدمات میں سست رفتاری پیدا کردی جاتی ہے، سزا سنانی ہو تو مقدمات برق رفتاری سے چلائے جاتے ہیں۔
توشہ خانہ کیس 2، بانی اور اہلیہ کی بریت درخواستوں پر سماعت کا تحریری حکم جاری
جنگ بندی کے باوجود اسرائیل اشتعال انگیزیوں سے باز نہ آیا اور ایک بار پھر لبنان پر فضائی حملہ کر دیا۔
بین الاقوامی میڈیا رپورٹس کے مطابق اسرائیل نے بیروت میں فضائی حملہ کیا ہے جس کے بعد گنجان آباد علاقے سے بادل اٹھتے دکھائی دے رہے ہیں۔
لبنان کی قومی خبر رساں ایجنسی نے اطلاع دی ہے کہ حملے کے بعد اسرائیلی ڈرون جنوبی بیروت کے مضافاتی علاقے دحیہ پر پرواز کر رہے ہیں۔
جب مارچ میں اسرائیل نے بیروت پر حملہ کیا تو اس نے دعویٰ کیا تھا کہ یہ لبنان سے ایک راکٹ لانچ کے جواب میں تھا جس نے اسرائیل کے ایک سرحدی شہر کو نشانہ بنایا تھا – حالانکہ حزب اللہ نے اس حملے کی ذمہ داری سے انکار کیا تھا۔
اپریل کے اوائل میں جنگ بندی کے بعد بیروت پر دوسرا اسرائیلی حملہ بغیر کسی وارننگ کے کیا گیا جس میں حزب اللہ کے ایک فوجی اہلکار کو نشانہ بنایا گیا۔
آج کا انخلاء کا حکم اور بمباری بلااشتعال تھی۔ یہ جنگ بندی کی اسرائیل کی طرف سے روزانہ کی خلاف ورزیوں اور ملک کے جنوب میں حملوں کے دوران کیا گیا ہے۔
مصنوعی ذہانت کیسے حاوی ہوتی جا رہی ہے اس کا ایک نمونہ تب دیکھنے کو ملا جب جیٹ جی پی ٹی نے امریکی ڈاکٹروں کو شکست دے دی۔
آرٹیفیشل انٹیلیجنس (اے آئی) مصنوعی ذہانت اب ہر میدان میں پنجے گاڑ رہی ہے اور خود کو انسان سے باصلاحیت ثابت کرنے کی کوشش کر رہی ہے۔ طب کے شعبے میں بھی اے آئی کی حیران کن پیش رفت سامنے آئی ہے۔
غیر ملکی میڈیا کے امریکا میں ایک خاتون اپنے ایک مرض کی وجہ سے ڈاکٹروں سے رجوع کرتی رہیں اور ڈاکٹرز بھی انہیں چکر پر چکر لگواتے رہے لیکن مرض کی تشخیص نہ کر سکے لیکن چیٹ جی پی ٹی نے خاتون مریض کے مہلک مرض کی تشخیص کر کے ان کی جان بچانے میں مدد کی۔
رپورٹ کے مطابق 40 سالہ لورین بینن نامی خاتون تیزی سے کم ہوتے وزن اور معدے میں درد کی شکایت لے کر ایک ڈاکٹر کے پاس پہنچیں تو انہوں نے خاتون کو اس کی وجہ آرتھرائٹس یا معدے کی خرابی بتایا۔
خاتون کے مطابق انہوں نے ڈاکٹر کے پاس کئی بار چکر لگائے مگر صحتیابی نہ ملی جس کے بعد جب انہوں نے چیٹ جی پی ٹی پر اپنے مرض کی علامات تحریر کیں تو وہاں سے ایک دلخراش جواب آیا کہ خاتون کو کینسر کا مرض لاحق ہے۔
چیٹ جی پی ٹی کے مطابق لورین ’’ہیشیموتو‘‘ نامی کینسر کی ایک قسم سے متاثر ہوئیں ہیں اور جب مریضہ نے ٹیسٹ کرایا تو چیٹ جی پی ٹی کی تشخیص بالکل درست نکلی۔
ٹیسٹ رپورٹ میں انکشاف ہوا کہ ان کی گردن پر دو چھوٹی چھوٹی رسولیاں تھیں، جو کینسر کی تھیں۔
لورین کا کہنا تھا کہ ’میرے اندر ہیشیموتو مرض کی علامات نہیں تھیں، مجھے تھکاوٹ محسوس نہیں ہوتی تھی۔ اگر میں چیٹ جی پی ٹی پر نہ دیکھتی تو کینسر میرے جسم میں پھیل جاتا۔ چیٹ جی پی ٹی نے میری زندگی بچائی۔
موٹرسائیکل پر پٹاخے لے کر جانے والا شخص کی ذرا سی غلطی چار لوگوں کی موت کا باعث بن گئی، جلتے کوڑ کے باعث پٹاخوں نے آگ پکڑی۔
بھارتی ریاست تامل ناڈو میں بائیک پر پٹاخے کے بنڈل لے جانے والا شخص جلتے ہوئے کوڑے کے سامنے سے گزار تو پٹاخوں نے آگ پکڑ لی، اس دوران دھماکا اتنا زوردار تھا کہ قریبی مکانوں کی کھڑکیوں اور دیواروں کو نقصان پہنچا۔ پورا علاقہ دھوئیں سے بھر گیا۔
یہ واقعہ جمعہ کی رات تقریباً 9 بجے پیش آیا دھماکے کی لپیٹ میں آکر دو بچوں سمیت چار افراد اپنی جان سے ہاتھ دھو بیٹھے۔
تامل ناڈو کے سالیم ضلع میں 27 سال بعد دروپتی اماں مندر کا میلہ منعقد ہو رہا ہے، اسی سلسلے میں 29 سالہ سیلوا راج بائیک پر 300 کلو گرام وزنی پٹاخوں کا بنڈل لے جا رہا تھا۔
پوسری پٹی کے علاقے میں سڑک کے کنارے کوڑا جلایا جا رہا تھا۔ وہاں موٹر سائیکل بے قابو ہو کر جلتے ہوئے کوڑے میں جا گری جس کی وجہ سے پٹاخوں کے بنڈل میں آگ لگ گئی اور مسلسل دھماکے ہونے شروع ہوگئے۔
نوجوان سیلوا راج موقع پر ہی جاں بحق ہوگیا، قریب ہی کھیلتا ہوا 11 سالہ کارتی اور 12 سالہ تمل سیلوان بھی حادثے میں جاں بحق ہوا۔
اس حادثے میں 20 سالہ لوکیش شدید زخمی ہوا، اسے سیلم کے سرکاری اسپتال لے جایا گیا لیکن رات دیر گئے اس کی بھی موت ہوگئی۔
تامل ناڈو کے وزیراعلیٰ ایم کے اسٹالن نے اس واقعے پر دکھ کا اظہار کرتے ہوئے مرنے والوں کے لواحقین کے لیے مالی امداد کا اعلان کیا ہے۔
