روس اور آذربائیجان کے درمیان کشیدگی بڑھنے لگی۔ دونوں ممالک نے ایک دوسرے کے خلاف سخت اقدامات کرنے شروع کر دیے۔

روسی شہر یکاترنبرگ میں 2 آذری بھائیوں کی گرفتاری کے دوران ایک کی ہلاکت کے بعد روس اور آذربائیجان کے تعلقات کشیدہ ہو گئے۔

آذربائیجانی وزارت خارجہ نے الزام عائد کیا کہ روسی اہلکاروں نے بزرگ آذری کو تشدد اور بجلی کے جھٹکے دیئے۔ گرفتارآذری شہری نے رہائی کے بعد الزام عائد کیا کہ اہلکاروں نے بغیر سوال کیے ایک گھنٹہ تشدد کیا۔

خبر ایجنسی کے مطابق آذربائیجان نے جواب میں 2روسی انٹیلی جنس افسران کو گرفتار کر لیا جب کہ آذربائیجان میں روس کےحمایت یافتہ میڈیا چینل پر بھی پابندی لگا دی۔

ورثا نے الزام لگایا کہ آذری شہریوں کو بغیر مقدمہ کے تشدد سے ہلاک کیا گیا ہے۔

آذربائیجان کا کہنا ہے کہ نسلی بنیاد پر پرُتشدد کارروائی ناقابل قبول ہے جس کی تحقیقات کا مطالبہ کرتے ہیں۔

آذری شہریوں کیخلاف کریک ڈاؤن کے بعد باکو میں روسی میڈیا آفس پر چھاپہ مارا گیا ہے۔ آذری پولیس کے مطابق لائسنس منسوخی کے باوجود میڈیا آفس نےکام جاری رکھا تھا۔روسی سفارتکاروں نے میڈیا دفتر رسائی کی کوشش کی لیکن عملےسے رابطہ نہ ہوسکا۔

خبر ایجنسی کا کہنا ہے کہ دونوں واقعات کے بعد سفارتی سطح پر تعلقات میں کشیدگی آئی ہے، آذربائیجان نے روسی نائب وزیراعظم کا دورہ اور ثقافتی تقریبات منسوخ کر دی ہیں۔ باکو نے ماسکو میں آذری حکومتی وفد کا دورہ بھی منسوخ کر دیا ہے۔

کریملن نے ردعمل میں کہا ہے کہ آذربائیجان کے فیصلے پر افسوس ہے تعلقات قائم رکھنا چاہتے ہیں۔

بھارت میں جہیز کے تنازع سے تنگ آکر دلہن نے خودکشی کرلی۔

بھارتی میڈیا رپورٹ کے مطابق ریاست تمل ناڈو کے ضلع تروپور میں دلہن کی خودکشی سے موت سے جہیز سے متعلق بدسلوکی پر عوامی غم و غصہ کو بھڑکا دیا ہے۔

27 سالہ ردھانیا نے مبینہ طور پر شوہر اور سسرال والوں کی جانب سے کئی ماہ کی ذہنی اور جسمانی ہراسانی کے بعد زہریلی کیڑے مار دوا پی لی۔

ردھانیا کامیاب گارمنٹس کے تاجر انادورائی کی بیٹی تھی جس کی شادی رواں سال اپریل میں 28 سالہ کیون کمار سے ہوئی تھی، جہیز میں لڑکی کے والد نے سونا، لگژری گاڑی جس کی مالیت 70 لاکھ روپے تھی اور اضافی سونا دینے کا وعدہ کیا۔

پولیس کے مطابق کروڑوں کا جہیز دینے کے باوجود شادی کے دس دن بعد ہی ردھانیا کو ہراساں کرنا شروع کردیا گیا۔

حکام کا کہنا ہے کہ شوہر اور اس کے والدین ایشور مورتی اور چتھرا دیوی نے مسلسل مزید جہیز کا مطالبہ کیا اور معمولی باتوں پر ردھانیا کے ساتھ ذلت آمیز سلوک کیا گیا۔ اہلخانہ نے دعویٰ کیا کہ بیٹی کو ذہنی طور پر تشدد اور جسمانی طور پر زیادتی کا نشانہ بنایا گیا جس میں سزا کے طور پر اسے طویل گھنٹوں تک کھڑے رہنے پر مجبور کیا گیا۔

واقعہ کیسے پیش آیا؟

اتوار کے روز ردھانیا گھر سے یہ کہہ کر نکلی کہ اس نے مندر جانا ہے، راستے میں اس نے سیور کے پاس گاڑی کھڑی کی اور زہریلی دوا پی لی، مقامی لوگوں نے گاڑی کھڑی دیکھ کر پولیس کو آگاہ کیا، خاتون کو اسپتال منتقل کیا گیا جہاں اسے مردہ قرار دے دیا گیا۔

خودکشی سے قبل والد کو کئی وائس میسجز

ردھانیا نے خودکشی سے قبل والد کو کئی وائس میسجز بھیجے ان میں اس نے براہ راست شوہر اور سسرال والوں کو مورد الزام ٹھہرایا۔

لڑکی نے کہا کہ خودکشی کی وجہ میری شادی شدہ زندگی ہے، میں جسمانی اور ذہنی ہراسانی سے گزری ہوں، میں اب یہ زندگی نہیں چاہتی، وہ کبھی نہیں بدلیں گے، کیون، ایشور مورتی اور چتھرا دیوی کی وجہ سے میں نے اپنی زندگی ختم کرنے کا فیصلہ کیا، براہ کرم مجھے معاف کردیں۔

دوسرے پیغامات میں اس نے مایوسی اور الگ تھلگ ہونے کے احساس کو بیان کیا اور لکھا کہ میں روزانہ ان کی ذہنی اذیت کو برداشت نہیں کر پاتی۔ میں نہیں جانتی کہ اس کے بارے میں کس کو بتاؤں۔ جو لوگ سنتے ہیں وہ چاہتے ہیں کہ میں سمجھوتہ کروں اور یہ دعویٰ کروں کہ زندگی ایسی ہی گزرے گی اور وہ میری تکلیف کو سمجھنے کے قابل نہیں ہیں۔

ردھانیا نے مزید لکھا کہ ’تم اور ماں میری دنیا ہو، میری آخری سانس تک تم میری امید رہے ہو لیکن میں نے تمہیں بری طرح نقصان پہنچایا، مجھے افسوس ہے ابا سب ختم ہو گیا، میں جا رہی ہوں۔‘

ردھانیا کی خودکشی کے بعد اس کے شوہر کیون کمار، ساس اور سسر کو پولیس نے گرفتار کر لیا۔