بدھ, جون 25, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 2291

خانہ کعبہ کی حدود حطیم میں نوافل ادائیگی کیلئے اوقات مقرر

کی طرف
ویب ڈیسک
-
0

سعودی عرب مکہ مکرمہ میں خانہ کعبہ کی حدود حطیم میں نوافل کی ادائیگی کیلئے اوقات مقرر کرنے کا فیصلہ کیا گیا ہے۔

سعودی خبر رساں ادارے کی رپورٹ کے مطابق حطیم میں خواتین کیلئے اوقات رات 8 سے صبح 2 بجے تک مختص کیے گئے ہیں جبکہ مرد حضرات کیلئے اوقات صبح 8 سے 11 بجے تک ہوں گے۔

انتظامیہ کے مطابق داخلہ مغربی دروازے سے اور اجازت کا دورانیہ 10 منٹ رہے گا، حطیم میں نفل ادائیگی اوقات کا مقصد رش کی صورتحال کو کنٹرول میں رکھنا ہے۔

دوسری جانب سعودی عرب میں حرمین شریفین کی انتظامیہ نے زائرین کے سامان کی حفاظت کے لیے ’لاکرز‘ پروگرام کے نئے منصوبے کو عملی شکل دینے کے لیے درخواستیں طلب کرلی ہیں۔

حرمین اتھارٹی کے مطابق لاکرز پروگرام کا مقصد مملکت کے ویژن 2030 کے اہداف کو مدنظر رکھتے ہوئے مثالی خدمات زائرین تک منتقل کرنا ہے۔

موسلا دھار بارش میں طوافِ کعبہ کے روح پرور مناظر کی ویڈیو

حرمین شریفین میں آنے والے زائرین کو لاکرز منصوبے سے یہ سہولت حاصل ہوگی کہ وہ اپنا سامان محفوظ طریقے سے رکھنے کے بعد مسجد الحرام یا مسجد نبوی صلی اللہ علیہ وآلہ وسلم میں حاضری دے سکتے ہیں۔

امریکی ایئرلائن کے طیارے پر دوران پرواز فائرنگ، فلائٹ اٹینڈنٹ زخمی

کی طرف
ویب ڈیسک
-
0

ہیٹی: کیریبیئن ملک ہیٹی میں ایئرپورٹ پر ایک امریکی ایئرلائن کے طیارے پر فائرنگ سے فلائٹ اٹینڈنٹ زخمی ہو گیا۔

امریکی میڈیا رپورٹس کے مطابق ہیٹی میں امریکی ایئر لائن ’سپرٹ‘ کے طیارے پر اس وقت اچانک فائرنگ کی گئی جب وہ لینڈنگ کی کوشش کر رہا تھا، فائرنگ کے نتیجے میں ایک فلائٹ اٹینڈنٹ زخمی ہو گیا۔

طیارے میں عملے سمیت 48 مسافر سوار تھے، اور طیارہ امریکی ریاست فلوریڈا سے سانتیاگو جا رہا تھا، فائرنگ کے واقعے کے بعد متعدد ایئر لائنز نے ہیٹی کے لیے فضائی آپریشن معطل کر دیا۔

یہ واقعہ پیر کو دارالحکومت ’پورٹ او پرنس‘ میں ’ٹوسینٹ لوورچر انٹرنیشنل ایئرپورٹ‘ پر پیش آیا، جب وہ اترنے کی کوشش کر رہا تھا تو اچانک زمین سے اس پر فائرنگ کی گئی اور گولیوں کی زد میں فلائٹ اٹینڈنٹ آ گیا، بعد ازاں پائلٹ نے طیارے کو ڈومینیکن ریپبلک کی طرف موڑ دیا۔

فلپائن کو تین ہفتوں میں پے در پے 4 سمندری طوفانوں نے تباہ کر کے رکھ دیا، 2 مزید آنے کو تیار

رپورٹس کے مطابق ہیٹی کے دارالحکومت میں اس وقت سخت کشیدگی پھیلی جب دو دن قبل گیری کونیل کی جگہ ایلکس ڈیڈیر فلز کو ہیٹی کا نیا وزیر اعظم مقرر کیا گیا، شہری اس پر سخت احتجاج کر رہے ہیں اور شہر بند کر دیا گیا ہے، گزشتہ روز دارالحکومت میں ایک گینگ لیڈر نے لوگوں کو گھروں میں رہنے کی دھمکی بھی دی تھی۔

القسام بریگیڈ کا حملہ، 4 اسرائیلی فوجی واصل جہنم

کی طرف
ویب ڈیسک
-
0

غزہ: القسام بریگیڈ نے حملہ کرکے میجر سمیت 4 اسرائیلی فوجیوں کو جہنم واصل کردیا۔

بین الاقوامی خبر رساں ادارے کی رپورٹ کے مطابق غزہ میں القسام بریگیڈ نے اسرائیلی فوجیوں پر تابڑ توڑ حملے کئے، جس کے نتیجے میں میجر سمیت 4 اسرائیلی فوجی ہلاک اور 11 زخمی ہوگئے۔

رپورٹس کے مطابق جنوبی لبنان میں بھی 2 اسرائیلی فوجیوں کے مارے جانے کی اطلاعات ہیں جبکہ 7 فوجی زخمی ہوگئے۔

اسرائیلی فوج نے غزہ میں اپنے ریزرو فوج کے میجر 34 سالہ اتامار لیوین فرائیڈ مین کے حماس کے ہاتھوں مارے جانے کی تصدیق کی ہے۔ القسام کی جانب سے ٹینک پر میزائل حملہ کیا گیا تھا، جس میں اسرائیلی فوجی ہلاک ہوگیا۔

دوسری جانب حزب اللہ کا کہنا ہے کہ اسے جنگ بندی کی کوئی تجویز موصول نہیں ہوئی ہے۔

اسرائیلی وزیر خارجہ کی جانب سے جنگ بندی میں پیش رفت کے بیان پر ردعمل دیتے ہوئے حزب اللہ نے واضح کیا ہے کہ اسے جنگ بندی کی کوئی تجویز موصول نہیں ہوئی ہے۔

حزب اللہ کے میڈیا آفس کے سربراہ محمد عفیف نے بیروت کے جنوبی مضافات میں ایک نیوز کانفرنس میں کہا کہ اب تک، میری معلومات کے مطابق اس سلسلے میں کوئی بھی اہلکار لبنان یا ہمارے پاس نہیں پہنچا ہے۔

الجزیرہ کے مطابق اسرائیلی وزیر خارجہ گیڈون سار نے کہا کہ لبنان کی جنگ بندی کے مذاکرات میں پیش رفت ہوئی ہے لیکن اس کا نفاذ انتہائی اہم ہے۔

اسرائیلی میڈیا نے اتوار کے روز اطلاع دی کہ لبنان کی مجوزہ جنگ بندی پر سفارتی مذاکرات میں خاطر خواہ پیش رفت ہوئی ہے جس کے تحت حزب اللہ کو دریائے لیطانی کے شمال سے پیچھے ہٹنا پڑے گا۔

بھارت : باغیوں کا پولیس اسٹیشن پر حملہ، 11 ہلاک

رپورٹس میں کہا گیا ہے کہ حزب اللہ اسرائیلی سرحد کے قریب اپنی فوجی موجودگی ختم کر دے گی جب کہ اسرائیلی فوج بین الاقوامی سرحد پر واپس آ جائے گی۔

فلپائن کو تین ہفتوں میں پے در پے 4 سمندری طوفانوں نے تباہ کر کے رکھ دیا، 2 مزید آنے کو تیار

کی طرف
ویب ڈیسک
-
0

منیلا: فلپائن کو گزشتہ تین ہفتوں میں پے در پے 4 سمندری طوفانوں نے تباہ کر کے رکھ دیا ہے، اور 2 مزید آنے کو تیار ہیں۔

غیر ملکی میڈیا رپورٹس کے مطابق فلپائن میں سمندری طوفان ’توراجی‘ زبردست تباہی پھیلا کر رخصت ہو رہا ہے، تاہم اس کے شدید اثرات کے باعث 2 ہزار دیہات خالی کرا لیے گئے ہیں۔

طوفان کے باعث سڑکیں دریا بن گئی ہیں، تند و تیز ہوائیں درخت اور سولر پینلز اڑا لے گئیں، اور نظام زندگی اُلٹ پلٹ ہو گیا، اسکول بند ہو گئے اور اندورنِ ملک پروازیں منسوخ ہو گئیں، جب کہ ہزاروں لوگوں نے نقل مکانی کر لی ہے۔

’اکو ویدر‘ کے ماہرین موسمیات کا کہنا ہے کہ مغربی بحرالکاہل میں اس ہفتے طوفانوں کے سسٹم تیزی سے بن رہے ہیں، ٹائفون توراجی تباہی پھیلا کر پیر کو فلپائن سے نکل گیا ہے تاہم 2 اضافی سسٹم ممکنہ طور پر اس ہفتے کے آخر اور اگلے ہفتے کے شروع میں علاقے کو متاثر کرنے کے لیے تیار ہیں۔

ایسوسی ایٹڈ پریس کے مطابق آخری 3 طوفانوں — ٹائفون ینکسنگ، ٹائفون کانگ رے اور ٹراپیکل طوفان ٹرامی — کی وجہ سے فلپائن میں 160 سے زائد افراد ہلاک ہوئے اور 9 ملین سے زیادہ افراد سیلاب سے متاثر ہوئے۔

ٹائفون توراجی، جو فلپائن میں نیکا کے نام سے جانا جاتا ہے، اس وقت ملک سے دور ہٹ رہا ہے، یہ طوفان اس ہفتے کے آخر میں چین کے ساحل کے قریب پہنچے گا تاہم سست ہونے کے باعث امکان یہ ہے کہ یہ سمندر ہی میں رہے گا۔

تین ہفتوں میں مسلسل چار طوفانوں کے باعث ہونے والی تباہی کی وجہ سے فلپائن میں شہری شدید مشکلات کا شکار ہو گئے ہیں اور وہ اس تباہی سے نکلنے کی سخت جدوجہد کر رہے ہیں۔

افغانستان نے بنگلادیش کو تیسرے میچ میں شکست دیکر سیریز جیت لی

کی طرف
ویب ڈیسک
-
0

افغانستان نے تیسرے ایک روزہ میچ میں بنگلادیش کو ہراکر سیریز میں کامیابی حاصل کرلی۔

بنگلادیش نے شارجہ میں کھیلے گئے ڈے اینڈ نائٹ میچ میں افغانستان کے خلاف پہلے بلے بازی کرتے ہوئے مقررہ 50 اوورز میں 8 وکٹوں کے نقصان پر 244رنز اسکور کئے۔

محمود اللہ نے 98 رنز اسکور کئے اور مہدی مرزا نے 66 رنز کی اننگ کھیلی، جبکہ سومیا سرکار 24 رنز کے ساتھ نمایاں بلے بازوں میں رہے۔

افغانستان کے راشد خان اور محمد نبی کے حصے میں ایک ایک وکٹ آئی جبکہ عظمت اللّٰہ نے 4 کھلاڑیوں کو پویلین کی راہ دکھائی۔

افغانستان بلے بازوں نے 245 رنز کا ہدف 5 وکٹوں کے نقصان پر 10 گیندوں پہلے ہی حاصل کرلیا۔ رحمان اللّٰہ گرباز نے 101 رنز اسکور کیے، عظمت اللّٰہ 70 اور محمد نبی 34 رنز کے ساتھ ناقابل شکست رہے۔

جیسن گلیسپی نے حارث رؤف کی تعریف میں کیا کہا؟

اپنی آل راؤنڈر پرفارمنس کے باعث عظمت اللّٰہ میچ کے بہترین کھلاڑی قرار پائے جبکہ محمد نبی کو سیریز کا بہترین کھلاڑی قرار دیا گیا۔

جیسن گلیسپی نے حارث رؤف کی تعریف میں کیا کہا؟

کی طرف
ویب ڈیسک
-
0

پاکستانی کرکٹ ٹیم کے کوچ جیسن گلیسپی کا کہنا ہے کہ حارث رؤف کے پیس نے آسٹریلوی بیٹنگ کی خامیوں کو ایکسپوز کرکے رکھ دیا۔

جیسن گلیسپی نے آسٹریلوی میڈیا سے گفتگو میں کہا کہ ہم یہ جانتے تھے کہ آخری میچ کیلیے آسٹریلوی ٹیم میں تبدیلیاں کی جائیں گی۔

انہوں نے مزید کہا کہ آپ کے ذہن میں ہمیشہ یہ بات ہوتی ہے کہ پرتھ میں وہ اپنے بڑے فاسٹ باؤلرز میدان میں اتاریں گے۔

پاکستانی کوچ کا کہنا تھا کہ لیکن یہ سلیکٹرز اور کوچز پر منحصر ہے کہ وہ اپنے کھلاڑیوں کو کیسے استعمال میں لاتے ہیں، آسٹریلیا نے پاکستان کے خلاف یہی کچھ کیا۔

اُنہوں نے کہا کہ حارث رؤف کے پیس نے آسٹریلوی بیٹنگ کی خامیوں کو بے نقاب کرکے رکھ دیا، حقیقت یہی ہے کہ ہمیں پہلا میچ بھی جیتنا چاہیے تھا۔

پاکستانی کوچ نے کہا کہ بڑی خوشی کی بات ہے کہ ہم نے آسٹریلیا کو صرف ہرایا نہیں بلکہ بڑے واضح مارجن سے شکست دی، ہم یہی کر سکتے ہیں کہ ہمارے سامنے کوئی بھی حریف ٹیم ہو ان کے خلاف اچھا کھیلیں۔

انہوں نے کہا کہ یہ بڑی غیر حقیقی بات ہے کہ آپ ہر میچ میں ہر ایک کھلاڑی کو کھلائیں، انٹرنیشنل کرکٹ میں آپ کو اپنے پلیئرز کو زیادہ سے زیادہ فٹ رکھنے کی کوشش کرنی ہوتی ہے۔

گلیسپی کا کہنا تھا کہ تین ون ڈے میچز کی سیریز آسٹریلیا کی بہت زیادہ ترجیحات میں شامل نہیں تھیں، ایمانداری سے کہوں تو کرکٹ آسٹریلیا نے ہمارے ون ڈے سیریز کی اتنی پروموشن نہیں کی جو کہ حیران کن تھا۔

اُنہوں نے کہا کہ مجھے یقین ہے کہ آسٹریلوی ٹیم ان خامیوں کو بہتر کرنے کی کوشش کرے گی، اچھے کھلاڑی اور ٹیمیں ایسا ہی کرتی ہیں، آپ سیکھتے ہیں اور نئے چیلنج کیلیے تیاری کرتے ہیں۔

چیمپئنز ٹرافی: پاکستان آئی سی سی کو ڈرا سکتا ہے، مؤقف تبدیل نہیں کرسکتا، وکرانت گپتا

پاکستانی کوچ نے کہا کہ اس سیریز میں ہماری بولنگ آسٹریلوی بیٹنگ کی خامیوں کو سامنے لے کر آئی، ہر میچ میں ہر کھلاڑی کو کھلانا قابل عمل نہیں، اس سے کھلاڑی تھکاوٹ کا شکار ہو سکتے ہیں۔

شکارپور: ٹریلر اور کار میں تصادم، 3 افراد جاں بحق

کی طرف
ویب ڈیسک
-
0

شکارپور: قومی شاہراہ جامڑا کے قریب ٹریلر اور کار میں خوفناک تصادم کے نتیجے میں 3 افراد زندگی کی بازی ہار گئے۔

اے آر وائی نیوز کے مطابق شکار پور میں پولیس نے فوری کارروائی کرتے ہوئے ڈرائیور کو گرفتار کرکے ٹریلر کو تحویل میں لے لیا ہے۔

پولیس کا کہنا ہے کہ افسوسناک حادثے میں جاں بحق ہونے والے افراد کی شناخت احتیار، جاوید، حکم علی کے نام سے ہوئی ہے۔

اس سے قبل لوئر دیر رات گئے رانی کے مقام پر مسافر بس اور گاڑی میں خوفناک تصادم ہوگیا، حادثے میں 12 افراد زخمی ہوگئے جنہیں اسپتال منتقل کردیا گیا ہے، مسافر بس تل کمراٹ سے تیمرگرہ جا رہی تھی۔

قبل ازیں گجرات جی ٹی روڈ پر پیش آئے ایک افسوسناک ٹریفک حادثے کے نتیجے میں 2 پولیس اہلکار جاں بحق ہوگئے تھے۔

پولیس کا اس حوالے سے کہنا ہے کہ دونوں پولیس اہلکار جی ٹی روڈ پر گشت کر رہے تھے، ٹائر برسٹ ہونے سے بے قابوٹرک پولیس اہلکاروں پر چڑھ دوڑا۔

موبائل فون ٹھیک کروانے آئی لڑکی سے دکاندار کی زیادتی

افسوسناک حادثے میں جاں بحق ہونے والے اہلکاروں کی شناخت ذیشان اور پرویز کے نام سے ہوئی ہے، دونوں پولیس اہلکار تھانہ رحمانیہ جی ٹی روڈ میں تعینات تھے۔

کینیڈا جانے والے طلبا و طالبات کیلئے اہم خبر

کی طرف
ویب ڈیسک
-
0
کینیڈا

کینیڈا نے اسٹوڈنٹ ڈائریکٹ اسٹریم (ایس ڈی ایس ) اور نائیجیریا اسٹوڈنٹ ایکسپریس (این ایس ای) پروگرامز کو فوری طور پر بند کردیا۔

اس اقدام کا مقصد پروگرام کی سالمیت کو مضبوط بنانا، طلباء کی کمزوری کو دور کرنا اور تمام درخواست دہندگان کے لیے مساوی اور منصفانہ رسائی کو یقینی بنانا ہے۔

تفصیلات کے مطابق کینیڈا کی امیگریشن، ریفیوجیز اینڈ سٹیزن شپ (آئی آر سی سی) نے 8 نومبر 2024 کو اعلان کیا کہ اسٹوڈنٹ ڈائریکٹ اسٹریم (ایس ڈی ایس ) اور نائیجیریا اسٹوڈنٹ ایکسپریس (این ایس ای) پروگرامز کو فوری طور پر بند کر دیا گیا ہے۔

اس حوالے سے رپورٹ کے مطابق متعلقہ حکام کا کہنا ہے کہ یہ فیصلہ ان طلباء کے لیے موقع کو مساوی بنانے کے لیے کیا گیا ہے جو کینیڈا میں تعلیم حاصل کرنے کے خواہاں ہیں۔

ایس ڈی ایس پروگرام کیا تھا؟

ایس ڈی ایس پروگرام 2018 میں متعارف کرایا گیا تھا تاکہ منتخب ممالک کے طلباء کو کینیڈا کے اسٹڈی پرمٹ کے عمل کو تیز رفتار طریقے سے مکمل کرنے کا موقع فراہم کیا جاسکے۔

اس پروگرام میں جن ممالک کے نام ہیں ان میں اینٹیگوا اور باربوڈا، برازیل، چین، کولمبیا، کوسٹاریکا، بھارت، مراکش، پاکستان، پیرو، فلپائن، سینیگال، سینٹ ونسنٹ اور گریناڈائنز، ٹرینیڈاڈ اور ٹوبیگو، اور ویتنام شامل تھے۔ اسی طرح نائیجیریا کے طلباء کے لیے نائیجیریا اسٹوڈنٹ ایکسپریس (این ایس ای) پروگرام موجود تھا۔

خیال رہے کہ ایس ڈی ایس پروگرام کے تحت طلبا کی درخواستوں پر 4 ہفتوں کے اندر کارروائی کی جاتی تھی اور منظوری کی شرح 95 فیصد تھی۔

مزید پڑھیں : تعلیم کیلئے برطانیہ جانے والے پاکستانی طلبا کے لئے بڑی خبر

امیگریشن کارپوریشن کے صدر نریش چاوڈا کے مطابق انہوں نے طلباء کو راغب کرنے کے لیے ڈیزائن کیا گیا ایک پروگرام بند کر دیا ہے جس سے بین الاقوامی طلباء کی تعداد کو محدود کرنے کا امکان ہے، رپورٹ میں بتایا گیا ہے کہ یہ فیصلہ کینیڈا کیلیے طلباء کی دلچسپی کو متاثر کرسکتا ہے ۔

اہم ہدایات

وہ درخواستیں جو 8 نومبر 2024 کو 2:00 دوپہر تک موصول ہو چکی ہیں، انہیں ایس ڈی ایس اور این ایس ای کے قواعد کے تحت پروسیس کیا جائے گا۔

دوپہر 2 بجے کے بعد جمع ہونے والی تمام درخواستیں اب ریگولر اسٹڈی پرمٹ اسٹریم کے تحت پروسیس ہوں گی۔

مزید پڑھیں : کینیڈا کے ویزے میں بڑی تبدیلی

یہ تبدیلی اسٹڈی پرمٹ کی اہلیت پر اثر انداز نہیں ہوگی۔ تمام طلباء کو کینیڈا کے اسٹڈی پرمٹ کے بنیادی تقاضے پورے کرنے ہوں گے۔

بھارتی پولیس کے دو اہلکاروں نے اپنی زندگی کا خاتمہ کرلیا

کی طرف
ویب ڈیسک
-
0
بھارتی پولیس

سری نگر / بہار : مقبوضیہ کشمیر میں تعینات ریزرو پولیس فورس کے ایک اہلکار نے خود کشی کرلی جبکہ بہار میں خاتون پولیس اہلکار نے اپنی بیرک میں موت کو گلے لگالیا۔

کشمیر میڈیا سروس کے مطابق غیرقانونی طور پر بھارت کے زیر قبضہ جموں و کشمیر میں بھارتی پیرا ملٹری سینٹرل ریزرو پولیس فورس کے ایک اہلکار نے سرینگر میں خودکشی کرلی۔

رپورٹ کے مطابق سی آرپی ایف اہلکار نے سرینگر کے علاقے شیو پورہ میں اپنی سروس رائفل سے خود کو گولی مار کر اپنی زندگی کا خاتمہ کردیا۔

اس حوالے سے بھارتی حکام کا کہنا ہے کہ سی آر پی ایف اہلکار کا تعلق بھارت کی ریاست تری پورہ سے تھا۔ اس واقعے سے جنوری 2007سے مقبوضہ علاقے میں خودکشی کرنے والے بھارتی فوجیوں اورپولیس اہلکارروں کی تعداد 612 ہوگئی ہے۔

دریں اثناء ضلع کپواڑہ کے علاقے سادھنا ٹاپ کے قریب ایک پولیس ہیڈ کانسٹیبل کارحادثے میں ہلاک ہوگیا جس کی شناخت غلام رسول کے نام سے ہوئی ہے۔

علاوہ ازیں بھارتی ریاست بہار کے ضلع گیا میں پولیس لائن میں تعینات ایک خاتون پولیس اہلکار نے بھی خودکشی کرلی ہے۔

خاتون پولیس اہلکار کی لاش پیر کی صبح خواتین پولیس اسٹیشن کی ایک بیرک سے ملی، بھارتی میڈیا کے مطابق خاتون کانسٹیبل ذہنی دباؤ کا شکار تھی اور اس نے پولیس بیرک میں خودکشی کرلی۔

رام پور پولیس اسٹیشن میں خاتون پولیس اہلکار کی خودکشی کامقدمہ درج کرکے پولیس نے تفتیش شروع کر دی ہے۔ پولیس نے لاش کو تحویل میں لے کر پوسٹ مارٹم کے لیے مقامی اسپتال منتقل کردیا۔

اسلام آباد سے لاہور موٹر وے ٹریفک کیلئے بند

کی طرف
ویب ڈیسک
-
0
موٹر وے

لاہور : پنجاب کے مختلف شہروں میں شدید دھند اور اسموگ کے باعث حد نگاہ کم سے کم ہوگئی، موٹر ویز کے کچھ سیکشنز کو ٹریفک کیلئے بند کردیا گیا۔

تفصیلات کے مطابق لاہور میں اسموگ کی خطرناک صورتحال برقرار ہے، شہر میں مجموعی طور پر ائیر کوالٹی انڈیکس چھ سو کے قریب ہے۔

دھند کی وجہ سے موٹر وے ایم ٹو (اسلام آباد تا لاہور) ہر قسم کی ٹریفک کے لیے بند کر دی گئی ہے۔ ترجمان کا کہنا ہے کہ موٹروے ایم 4 پنڈی بھٹیاں سے عبدالحکیم تک بھی اسموگ کے باعث بند ہے، موٹرویز کو عوام کی حفاظت اور محفوظ سفر یقینی بنانے کیلئے بند کیا جاتا ہے۔

موٹر وے کو بند کرنے کا مقصد حادثات سے بچاؤ اور موٹر وے استعمال کرنے والوں کی جان و مال کی حفاظت کرنا ہے۔

موٹر وے پولیس کی جانب سے کہا گیا ہے کہ شہری دن کے اوقات میں سفر کرنے کو ترجیح دیں، دھند کے موسم میں صبح 10 سے شام 6 بجے تک بہترین سفری اوقات ہیں،تیز رفتاری سے پرہیز اور اگلی گاڑی سے مناسب فاصلہ رکھیں،گاڑیوں میں فوگ لائٹس کا استعمال کریں۔

کسی بھی علاقے کا سفر شروع کرنے سے قبل موٹروے پولیس ہیلپ لائن 130 سے معلومات حاصل کی جا سکتی ہیں، اس کے علاوہ نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات حاصل کی جا سکتی ہیں۔

1...2,2902,2912,292...30,761صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025