بھارتی کرکٹر سوریا کمار یادیو نے چیمپئنز ٹرافی کے لیے پاکستان نہ آنے کے سوال کا جواب دے دیا۔

فوٹو اور ویڈیو شیئرنگ ایپ انسٹاگرام پر ویڈیو وائرل ہورہی ہے جس میں سوریا کمار یادیو سے چیمپئنز ٹرافی کے لیے پاکستان نہ آنے سے متعلق سوال کیا گیا۔

سوشل میڈیا صارف نے سوریا کمار سے پوچھا کہ ’مجھے ایک بات بتاسکتے ہیں کہ آپ پاکستان کیوں نہیں آرہے؟

جواب میں سوریا کمار یادیو نے کہا کہ ’یہ ہمارے ہاتھ میں نہیں ہے۔‘

کرکٹ ویب سائٹ کی رپورٹ کے مطابق بی سی سی آئی کی جانب سے آئی سی سی کو آگاہ کیا جا چکا ہے کہ بھارتی ٹیم چیمپئنز ٹرافی 2025 میں شرکت کے لیے پاکستان نہیں جائے گی۔

 

View this post on Instagram

 

A post shared by Aayat Raza Qureshi (@aayatqureshi.14)

واضح رہے کہ آئی سی سی چیمپئنز ٹرافی آئندہ سال 19 فروری سے 9 مارچ تک پاکستان میں شیڈول ہے جس میں 8 ٹیموں نے شرکت کرنا ہے۔

گزشتہ روز اے آر وائی نیوز سے گفتگو کرتے ہوئے بھارتی صحافی وکرانت گپتا کا کہنا تھا کہ بھارتی ٹیم کو پاکستان بھیجنے سے انکار پر اگر پی سی بی کی جگہ ہوتا تو میں بھی یہی کہتا کہ جاؤ نہیں کرنی چیمپئنز ٹرافی کی میزبانی۔

یہ پڑھیں: ’جاؤ نہیں کرنی چیمپئنز ٹرافی کی میزبانی‘۔۔ بھارتی صحافی کا دبنگ بیان

وکرانت گپتا نے کہا تھا کہ بھارت نے ایک اور پاکستان نے 2 ایگریمنٹ کیے بھارت نے ممبر پارٹیسپیٹنگ ایگریمنٹ  کیا ہے،جو بورڈ ممبر کرتے ہیں جب کہ پاکستان نے پارٹیسپیٹنگ ایگریمنٹ کے ساتھ ہوسٹنگ ایگریمنٹ بھی کیا ہے۔

ان کا کہنا تھا کہ بھارتی حکومت نے  اپنے ٹاپ کھلاڑیوں کی سیکیورٹی کو وجہ بنایا بھارت نےکہہ دیا سیکیورٹی ایشو ہے مجھے نہیں معلوم سیکیورٹی ایشو ہے یا نہیں؟ پاکستان چیمپئنز ٹرافی نہیں کراتا  تو وجہ کیا بتائے گا؟ پاکستان یہ نہیں کہہ سکتا کہ بھارت نے آنے سے انکار کر دیا ہے۔

قومی ٹیم کے سابق کپتان محمد حفیظ نے چیمپئنز ٹرافی کے لیے بھارتی ٹیم کے پاکستان آنے سے انکار پر ردعمل دے دیا۔

سماجی رابطے کی ویب سائٹ ایکس پر سابق کپتان محمد حفیظ نے لکھا کہ یہ دن کا خواب تھا کہ بھارت چیمپئنز ٹرافی کے لیے پاکستان آئے گا۔

انہوں نے کہا کہ پاکستان محفوظ ملک ہے اور ایونٹ کی میزبانی کے لیے تیار ہے۔

محمد حفیظ نے لکھا کہ ’پاکستان کرکٹ کھیلنے والے تمام ممالک کی میزبانی کررہا ہے، حکومت اور پی سی بی کے مضبوط اور حیران کن جواب کا منتظر ہوں۔‘

کرکٹ ویب سائٹ کی رپورٹ کے مطابق بی سی سی آئی کی جانب سے آئی سی سی کو آگاہ کیا جا چکا ہے کہ بھارتی ٹیم چیمپئنز ٹرافی 2025 میں شرکت کے لیے پاکستان نہیں جائے گی۔

واضح رہے کہ آئی سی سی چیمپئنز ٹرافی آئندہ سال 19 فروری سے 9 مارچ تک پاکستان میں شیڈول ہے جس میں 8 ٹیموں نے شرکت کرنا ہے۔

گزشتہ روز اے آر وائی نیوز سے گفتگو کرتے ہوئے بھارتی صحافی وکرانت گپتا کا کہنا تھا کہ بھارتی ٹیم کو پاکستان بھیجنے سے انکار پر اگر پی سی بی کی جگہ ہوتا تو میں بھی یہی کہتا کہ جاؤ نہیں کرنی چیمپئنز ٹرافی کی میزبانی۔

وکرانت گپتا نے کہا تھا کہ بھارت نے ایک اور پاکستان نے 2 ایگریمنٹ کیے بھارت نے ممبر پارٹیسپیٹنگ ایگریمنٹ  کیا ہے،جو بورڈ ممبر کرتے ہیں جب کہ پاکستان نے پارٹیسپیٹنگ ایگریمنٹ کے ساتھ ہوسٹنگ ایگریمنٹ بھی کیا ہے۔

ان کا کہنا تھا کہ بھارتی حکومت نے  اپنے ٹاپ کھلاڑیوں کی سیکیورٹی کو وجہ بنایا بھارت نےکہہ دیا سیکیورٹی ایشو ہے مجھے نہیں معلوم سیکیورٹی ایشو ہے یا نہیں؟ پاکستان چیمپئنز ٹرافی نہیں کراتا  تو وجہ کیا بتائے گا؟ پاکستان یہ نہیں کہہ سکتا کہ بھارت نے آنے سے انکار کر دیا ہے۔

وسیم اکرم نے اپنے اب تک کے تین بہترین پاکستانی کرکٹرز کے نام بتا دیے۔

پاکستان کے سابق لیجنڈ فاسٹ بولر وسیم اکرم نے پاکستان کی بھرپور کرکٹ کی تاریخ کے اپنے تین ٹاپ کرکٹرز کا انکشاف کیا ہے۔

تیسرے نمبر پر وسیم اکرم نے اپنے دیرینہ باؤلنگ پارٹنر وقار یونس کو چنا اور یہ تسلیم کرتے ہوئے کہا کہ وقار کو پاکستان کے عظیم ترین کرکٹرز کی کسی بھی فہرست سے باہر کرنا ناممکن تھا۔

دوسرے نمبر پر آکر بائیں ہاتھ کے تیز رفتار لیجنڈ نے ساتھی کرکٹ عظیم مائیکل وان کے نقش قدم پر چلتے ہوئے جاوید میانداد کا انتخاب کیا۔

اکرم نے پاکستان کرکٹ میں میانداد کی یادگار شراکت کی تعریف کی اور اس بات پر روشنی ڈالی کہ میانداد کی میراث ہمیشہ کے لیے کھیل کے عظیم کھلاڑیوں میں شامل رہے گی۔

ان کا کہنا تھا کہ نمبر دو عظیم جاوید میانداد ہیں میرا مطلب ہے، جب بھی آپ پاکستان سے آنے والے عظیم لوگوں کے بارے میں بات کرتے ہیں تو جاوید میانداد کا نام وہیں اوپر آتا ہے۔

وسیم اکرم نے عظیم ترین پاکستانی کرکٹر میں پہلے نمبر پر ورلڈکپ فاتح ٹیم کے کپتان عمران خان کو رکھا ہے۔ انہوں نے کہا کہ میں نے انہیں اپنے ابتدائی دنوں میں ایک کرکٹر کے طور پر دیکھا ہے بعد میں انہیں آل راؤنڈر کے طور پر دیکھا، وہ عظیم ترین کھلاڑی ہیں۔

اس سے قبل انگلینڈ کے سابق کپتان مائیکل وان اور آسٹریلیا کے سابق بلے باز، ایڈم گلکرسٹ نے اپنے اب تک کے تین بہترین پاکستانی بلے بازوں کا انتخاب کیا ہے۔

پاک آسٹریلیا سیریز کے فیصلہ کن مقابلے میں مائیکل وان سے ان کے انتخاب کے بارے میں پوچھا گیا تو انہوں نے بابراعظم کو تیسرے نمبر پر منتخب کیا۔

پاکستان کے سابق کپتان انضمام الحق کو دوسری چوائس کے طور پر منتخب کیا اور پہلا انتخاب لیجنڈری بلے باز جاوید میانداد کا تھا۔

سابق انگلش کپتان مائیکل وان نے کہا کہ پاکستان ٹیم نے شاندار کھیل کا مظاہرہ کیا، میں نے آسٹریلیا کو اس سے قبل کبھی اتنا کمزور نہیں دیکھا۔