اداکارہ حرا عمر نے بتایا ہے کہ وقت کے ساتھ زندگی میں کیا تبدیلی آئی ہے۔
اے آر وائی ڈیجیٹل کے پروگرام ’گڈ مارننگ پاکستان‘ میں اداکارہ حرا عمر نے شرکت کی اور میزبان ندا یاسر کی جانب سے پوچھے مختلف سوالات کے جوابات دیے۔
حرا عمر نے کہا کہ ’میری بچپن کی بہت ساری ایسی تصاویر جو چھپا دی ہیں، میرا انسٹاگرام اکاؤنٹ تھا اداکارہ بننے کے بعد اسی اکاؤنٹ کو فالو کیا نیا نہیں بنایا تو پرانی ساری تصاویر آرکائیو کردیں۔
یہ پڑھیں: اچھے اور ایماندار شخص سے شادی کروں گی، حرا عمر
انہوں نے کہا کہ وقت کے ساتھ خود کو تھوڑا سا گروم کیا ہے، بچپن میں جو امی پہنا دیتی تھیں وہی پہن لیتے تھے، 9ویں اور دسویں جماعت میں والدہ سے کہا کہ اپنے پسند سے بال کٹواؤں گی۔
اداکارہ نے کہا کہ میرے بال چھوٹے تھے اور لڑکوں والے کپڑے پہنتی تھی تو لوگ کہتے تھے یہ تو لڑکا ہے، جب تھوڑی بڑی ہوئی تو والدہ سے کہا کہ اب بال چھوٹے نہیں کروانے ہیں۔
واضح رہے کہ اے آر وائی ڈیجیٹل کے ڈرامہ سیریل ’جیسے آپ کی مرضی‘ میں حرا عمر نے ’رمزا‘ کا کردار نبھایا تھا جس میں درفشاں سلیم اور میکال ذوالفقار نے مرکزی کردار ادا کیا تھا۔
’جیسے آپ کی مرضی‘ کی ہدایت کاری کے فرائض صبا حمید نے انجام دیے ہیں جبکہ اس کی کہانی نائلہ جعفری نے لکھی ہے۔
View this post on Instagram
اداکارہ کا کہنا تھا کہ اس ڈرامے نے مجھے رشتوں میں بدسلوکی کے خلاف کھڑے ہونے کی اجازت دی اور میں ایسے گھرانوں میں پھنسے لوگوں کے لیے آواز بن کر خوش ہوں۔
