بغداد: عراقی فوج کے موصل کے چھ اضلاع سے داعش کے دہشت گردوں کو پیچھے دھیکل کر داعش کے متعدد ٹھکانے تباہ کردیے اور بھاری مقدار میں اسلحہ برآمد کرلیا۔

تفصیلات کےمطابق عراقی فوج موصل میں داعش کےخلاف آپریشن تیزی سے جاری ہے اورفوج کی طرف سے داعش کے ٹھکانوں شدید بمباری کی گئی ہے جس کے نتیجے میں متعدد دہشت گرد مارے گئے۔

موصل کے چھ اضلاع سے بھی داعش کو پیچھے دھکیل دیا ہے اور اب علاقے میں داعش کی جانب سے بچھائی گئی بارودی سرنگوں اور دیگر دھماکہ خیز مواد کی صفائی کا کام کیا جارہا ہے۔

مزید پڑھیں: عراقی فوج کا داعش کے خلاف موصل میں آپریشن

خیال رہے کہ رواں ماہ 17اکتوبر کوعراقی وزیراعظم حیدرالعبادی کاکہنا تھاکہ اب داعش کے خلاف فیصلہ کن کارروائی کاوقت آگیا ہےاور ہم عوام کو داعش کے ظلم اور دہشت گردی سے نجات دلا کر رہےگیں۔

مزید پڑھیں:عراقی شہر موصل میں آپریشن،داعش کے 800سےزائد دہشتگرد ہلاک

یاد رہے کہ گزشتہ ہفتے عراق کے شہر موصل میں دہشت گرد تنظیم دولت اسلامیہ کے خلاف آپریشن میں داعش کے800سے زائد دہشت گرد مارے گئے تھے۔

مزید پڑھیں: داعش ہتھیار ڈال دے یا مرنے کےلیے تیار رہے،عراقی وزیراعظم

وزیراعظم حیدر العبادی کا کہنا تھا کہ’’ہم داعش کے گرد گھیرا تنگ کر دیں گے اور انشاءاللہ سانپ کا سر بھی کاٹ دیں گےاوران کے پاس فرار کا کوئی راستہ نہیں ہوگا‘‘۔

سان تیاگو : چلی کے دارالحکومت سان تیاگو میں 1980کی دہائی سے رائج فرسودہ پنشن سسٹم کے خلاف شہری سڑکوں پر نکل آئے۔

تفصیلات کےمطابق چلی کےدارالحکومت سان تیاگومیں شہری فرسودہ پنشن نظام کے خلاف سراپا احتجاج بن گئے۔دارالحکومت کی سڑکوں پراحتجاج کرتےہوئےشہریوں نےپنشن سسٹم میں اصلاحات کامطالبہ کردیا۔

پولیس نے مظاہرین کے خلاف واٹر کینن کا استعمال کرتےہوئے انہیں منتشر کردیا۔مظاہرین کا کہنا تھا کہ کارکنوں کواپنی آمدن کا ایک بڑاحصہ اے ایف پی میں جمع کرانا پڑتا ہےجبکہ ریٹائرمنٹ پران کو اس کے خاطر خواہ فوائد نہیں دیےجاتے۔

چلی میں سابق آمرجنرل پنوشے کے زمانے میں متعارف کرایا گیا پینشن کا نظام اےایف پی رائج ہے۔ پینشن فنڈکے تحت ایک سواٹھترارب ڈالر کے اثاثےموجود ہیں تاہم اس کے فوائد پینشنرز تک منتقل نہیں کیے جاتے۔

مزید پڑھیں: چلی میں طلبا کا تعلیمی اصلاحات پر عمل درآمد نہ ہونے کے خلاف احتجاج

یاد رہے کہ رواں سال مئی میں چلی کے دارالحکومت سان تیاگو میں حکومت کی جانب سے تعلیمی اصلاحات پر عمل درآمد نہ ہونے پر طلباء تنظیموں کی جانب سے شدید احتجاج کیاگیاتھا۔

واضح رہے کہ صدر نے غریب طلباء کے لیے مراعات، نئے اسکول اور ہر طالب علم کے لیے یونیورسٹی سطح کی تعلیم مفت کرنے کا وعدہ کیا تھا۔

کابل: افغانستان کےصوبے فاریاب میں سڑک کنارے زوردار دھماکےنتیجے میں 11 افغان شہری ہلاک اور 12سے زائد افراد زخمی ہوگئے۔

تفصیلات کےمطابق صوبائی ترجمان احمد جاوید بیدارکا کہناہے کہ مقتولین شادی کی تقریب میں شرکت کےلیے جارہے تھے کہ صوبہ فاریاب کے ایک گاؤں کے قریب سڑک کنارے نصب بم پھٹ گیا جس میں 11 شہری ہلاک اور متعدد زخمی ہوگئے۔

افغانستان کے شمالی صوبے فاریاب میں دھماکے کی ذمہ داری کسی گروپ یا تنظیم نے قبول نہیں کی ہے تاہم اس علاقے میں طالبان کا کنٹرول ہے اور گزشتہ کچھ عرصےسے داعش اور طالبان میں یہاں قبضے کے حوالے سے جھڑپیں جاری ہیں۔

مزید پڑھیں:افغانستان میں نیٹو کا فضائی حملہ،30افراد ہلاک

خیال رہے کہ گذشتہ روز صوبہ فاریاب کے قریب صوبے قندوز میں امریکی فضائیہ کے طیاروں کی بمباری میں کم سے کم 30 افغان شہری ہلاک ہوگئے تھے۔

واضح رہے کہ اقوام متحدہ نے اپنی رپورٹ میں کہا ہے کہ گذشتہ سال کے مقابلے میں رواں سال حکومت کی حمایت یافتہ فورسز کی جانب سے شہریوں کو نشانہ بنانے کے واقعات میں 42 فیصد اضافہ ہوا ہے۔