وفاقی وزیر دفاع خواجہ محمد آصف نے کہا ہے کہ سابق صدر پر ویز مشرف کو بیرون ملک بھیجنے کا کوئی فیصلہ نہیں کیا گیا ، خواجہ محمد آصف کی وزیر اعظم محمد نواز شریف سے ملاقات میں سعودی وزیر خارجہ کے دورہ پاکستان سمیت اہم معاملات پر تبادلہ خیال کیا گیا۔

وزیر پانی و بجلی خواجہ آصف نے وزیراعظم محمد نواز شریف سے ملاقات کی اورانہیں بجلی کی صورتحال پر بریفنگ دی ملاقات میں پرویز مشرف کیس بھی زیر غور آیا، پرویز مشرف کی علالت پرتبصرہ کرتے ہوئے ۔

وفاقی وزیر دفاع خواجہ آصف نے کہا ہے کہ سابق صدر پر ویز مشرف کو بیرون ملک بھیجنے کا کوئی فیصلہ نہیں کیا گیا، مشرف کی طبیعت خراب ہے توان کے وکلاء میڈیکل سر ٹیفکیٹ عدالت میں پیش کریں۔

انہوں نے کہا کہ حکومت پرویز مشرف کے معاملے پر مکمل علم میں ہے،سابق صدر کا معاملہ عدالت میں ہے عدالت جو فیصلہ کرے گی حکومت اس پر عمل کرے گی، ہوسکتاہے عدالت مشرف کوریلیف دیدے تاہم حکومت نے ایساکوئی فیصلہ نہیں کیا ہے۔

بلاول بھٹو زراری کہتے ہیں سابق صدر مشرف کے میڈیکل سرٹیفیکیٹ کی آزاد ڈاکٹرز کے بورڈ سے تصدیق کرائی جائے۔

سابق صدر پرویز مشرف کو دل کی تکلیف کے باعث اسپتال میں منتقل کیا گیا۔ بلاول بھٹو زرداری نے ٹیوٹر پر اپنے ایک پیغام میں کہا ہے مشرف کے میڈیکل سرٹیفیکیٹ کی آزاد ڈاکٹرز کے بورڈ سے تصدیق کرائی جائے۔

یقین نہیں آتا مشرف نے بہادر فوج کی وردی پہنی ہوگی،  بلاول بھٹو زرداری کا کہنا تھا کہ لگتا ہے وکلا کی ٹیم مشرف کے بجائے کورٹ میں خود لڑتی رہےگی، آصفہ بھٹو زرداری نے سماجی رابطے کی ویب سائٹ پرپیغام میں پرویز مشرف کی صحتیابی کی دعا کرتے ہوئے کہا ہے کہ امید ہےمشرف جلد عدالت پیش ہوں گے۔

سابق چیف جسٹس افتخار محمد چوہدری کی سیکورٹی کے حوالے سے درخواست کی سماعت اسلام آباد ہائی کورٹ میں ہوئی۔

جسٹس شوکت عزیز صدیقی نے درخواست کی سماعت کی۔ درخواست گزار شیخ احسان الدین نے عدالت کو بتایا کہ آئین کو توڑنے والے فوجی آمر کو گیارہ سو سیکیورٹی اہلکار اور بلٹ پروف گاڑیاں فراہم کی گئی ہیں جبکہ آئین کا تحفظ کرنے والے سابق چیف جسٹس افتخار محمد چوہدری کو سیکیورٹی کے نام پر محض چار اہلکار فراہم کیے گئے ہیں۔

اس موقع پر وزارت داخلہ کے ایڈیشنل سیکریٹری اطہر عباس نے عدالت کو بتایا کہ سابق چیف جسٹس افتخار محمد چوہدری کو حکومت نے سولہ اہلکار اور ایک بلٹ پروف گاڑی فراہم کی ہے۔ درخواست گزار کا موقف تھا کہ وزارت داخلہ کی جانب سے فراہم کردہ سیکیورٹی انتضامات ناکافی ہیں۔

جسٹس شوکت عزیز صدیقی نے مقدمے کی سماعت کل تک ملتوی کرتے ہوئے آئی جی اسلام آباد اور ایڈیشنل سیکریٹری کابینہ ڈویژن کو کل عدالت میں طلب کرلیا۔